رواية زهرة بقلم فريدة احمد

ده اتجرأ وبصلك 
زهرة بصتله جامد .... يعني ايه مش فاهمه . مالو لبسي.

ماهو لبسي محترم. ولا مش لاقي حاجة تقولها 
حمزة وهو بيبصلها پغضب.... لبسك زفتتت. بصي لنفسك. 
وانتي تعرفيي 
زهرة بدون فهم بصت علي نفسها. كانت لابسة جاكيت چينيز وتحتو توب بس التوب كان ظاهر جزء من صدرها 
وهي مكانتش واخدة بالها 
زهرة اتوترت وهي بترفع التوب لفوق بإحراج 
و قالت بتوتر وكسوف.... ا. انا م مخدتش بالي 
حمزة وهو لسه بيبصلها پغضب.... اخر مرة هكلمك في موضوع لبسك ده.
وبص علي حجابها كانت لابسه الطرحة اي كلام علي شعرها ويعتبر نصه باين ورقبتها 
حمزة وهو بيشاور عليها ... وده اسمه ايه.. دا مش حجاب
شعرك كلو باين ورقبتك لابساها ليه.
وبسخرية.... اقلعيها احسن
زهرة بضيق... دخلت شعرها وعدلت الطرحة... كده كويس حمزة بتحذير.... لو شوفتك لابسه حاجة ملفتة هزعلك بجد. انا مش هقولك تاني 
زهرة.... انا لبسي محترم علي فكره.. ومش معني كده واني مكنتش واخدة بالي دلوقتي. انك تحكم عليا اني مش بلبس كويس 
حمزة وهو بيولع سېجارة .... ابقي خدي بالك بعد كده. علشان اي غلطة هزعلك حتي لو مش مقصودة.. اخر مرة هحذرك
زهرة بعصبية وصوت عالي...ماتبطل بقاا طريقتك دي. هو انت عاوز مني ايه. بتعمل معايا كده ليه.
حمزة.... صوتك دا ميعلاش. فاهمة
زهرة بنفس عصبيتها.... لا مش فاهمة. انا اقول ال
قاطعها حمزة پغضب.... فاهمممة
زهرة پخوف .... فاهمة. فاهمة
حمزة شغل العربية وطلع بيهابعد وقت وصلو بعد مافضلو طول الطريق محدش فيهم بص للتاني 
زهرة نزلت علطول دخلت البيت وحمزة لف بالعربية ورجع تاني 
زهرة دخلت البيت كانو كلهم موجودين لكن اتفاجات ب جدتها وامال ومحمد موجودين
هارون.... تعالي يازهرة
قربت زهرة عليهم بهدوء وقالت... مساء الخير 
جدتها قامت بلهفة حضنتها.... وحشتيني يازهرة. وحشتيني ياقلب تيتا 
زهرة بهدوء.... وحضرتك وحشتيني يا.. 
وسكتت 
جدتها.... انا تيتا. هفضل طول عمري جدتك. مفيش حاجه اتغيرت.. هتفضلي حفيدتي يازهرة.. اوعي يازهرة تبعدي عني 
زهرة... مقدرش 
وحضنتها تاني 
امال قربت ومحمد علشان يسلمو عليها 
امال بدموع ... وحشتيني يازهرة 
ومحمد حضنها... وحشتنيني يابنتي 
امال قربت تحضنها لكن زهرة كانت متجمدة ومبدلتهاش الحضن لانها كانت مستغربة 
امال بعدت بحرج وقالت.... انا عارفة انك زعلانه مني.. بس ربنا يعلم اني بحبك والله. انا
نفسي تسامحيني يازهرة علي معاملتي معاكي.. عارفة اني كنت بعاملك ببرود وعمري ماحسستك بحبي وعمري ماحنيت عليكي. ياريت تسامحيني لاني ندمت. ندمت بجد. 
امال كانت بتتكلم بندم واضح وصادق وزهرة كانت مستغربة اول مرة تشوف امال كده
محمد .. هتفضلي بنتي يازهرة 
امال بدموع ... نفسي تسامحيني يازهرة علشان ابقي مرتاحة.. انا عارفة اني كنت ام وحشة. واخر مرة انا كنت مقهورة علي شيماء. علشان كده مش عارفه كنت بقول ايه. اعذريني يازهرة 
زهرة بهدوء .... مفيش حاجة. وبعدين عادي يعني. ماهو انتي مش امي. مش مفروض عليكي انك تحبيني 
امال بسرعة.... لأ انا والله بحبك. متعرفيش لما بعدتي انا كنت عاملة الزاي. كنت ھموت عليكي. 
مدت ايدها تحركها علي وشها وهي بتقول.... انتي معايا وفي حضڼي اكتر من 23 سنة. انتي بنتي بجد. صعب عليا اخسرك 
محمد.. حاوط زهرة في حضنه وقال... زهرة بنتنا مفيش حاجة هتتغير .
امال.... ياريت ياريت ترجعي لحضننا تاني. احنا ملناش غيرك دلوقتي
وكملت بدموع.... صعب عليا اخسر بناتي الاتنين. كفاية شيماء
ومسكت ايد زهرة.... متبعديش عننا يازهرة. ابقي اسالي علينا. ممكن
زهرة كانت شفقانة عليها مسكت ايدها وقالت.... حاضر 
مش هبعد. انتو كده كده اهلي. اكيد مش هنساكو
محمد وامال حضنوها الاتنين وهي بادلتهم الحضن 
عند رحيم وياسمين 
رحيم فتح باب شقته ومعاه ياسمين
ياسمين... هو احنا مش هنرجع الصعيد
رحيم..... خليكي هنا احسن
ياسمين فهمت انو بيعمل كده علشان ليلي بس متكلمتش
تاني يوم 
زهرة رايحة جاية في جنينة الفيلا وهي فاتحة كتاب بتذاكر فيه
عمتها نادت عليها من علي باب الفيلا.... زهرة.. تعالي
زهرة.... ايه ياعمتو 
صفية... تعالي عاوزاكي
زهرة راحت ليها.... في ايه ياعمتو 
صفية.... تعالي. ادخلي
زهرة بصت ل عربية حمزة وقالت... لا. حمزة جوا. وانا مش عاوزة اشوفه. لما يخرج هجيلك
صفية.... حمزة نايم فوق.. وبعدين دا جوزك. 
زهرة بضيق... متقوليش جوزي
صففية بضحك.... الله. ماهو جوزك.. تعالي بس
واخدتها ودخلو 
زهرة راحت جمب ليلي اللي قاعدة علي الكنبة... عاملة ايه يالوله
ليلي ابتسمت بهدوء... كويسة. انتي عاملة ايه
زهرة... الحمدلله 
وبصت ل عمتها... كنتي عاوزة ايه ياعمتو
اتنهدت صفية وقالت ... هتفضلي كده لحد امتا سايبة البيت. ارجعي يازهرة. حمزة بيحبك.. وبعدين هو خلاص طلق مراتو. عاوزة ايه تاني. متعانديش ياحبيبتي وارجعي
ليلي.... حمزة بيحبك يازهرة. فكري كويس. وانتي بتحبيه. متخسروش بعض
زهرة.... انتو مش فاهين حاجة. انا معنديش ثقة فيه اساسا. 
كملت بسخرية... دا مش بعيد يطلع متجوز تاني. اسالوني انا 
صفية.... انتي عارفة انو بيحبك
زهرة.... وبيحب غيري. وبيشوف غيري.. عمتو انا مش هكمل معاه. وياريت تقنعوه يطلقني 
صفية.... يعني مفيش فايدة
زهرة.... لا ياعمتو.. مفيش 
وفتحت الكتاب ورجعت تذاكر تاني
وهي بتحاول تقفل في الموضوع 
صفية اتنهدت بيأس
شوية وهما لسه قاعدين حمزة كان صحي ونزل 
حمزة قرب باس راس عمتو وراس ليلي 
حمزة... براحتي 
صفية وليلي ابتسمو
حمزة اخد الطفاية من علي الترابيزة واتحرك ناحية باب البيت ووقف قدام الباب يشرب سېجارة 
شوية ونادي ل زهرة وقال.... اعمليلي قهوة يازهرة
زهرة بصت ل عمتها 
صفية علطول ... فيها ايه. اعمليلو. دا جوزك
زهرة بصتلها بغيظ وقامت وهو بتمتم... انسان بارد ومستفز 
وراحت تعملو
شوية وخرجت بالقهوة وراحت تديهاله 
حمزة اخدها منها ولسه هي هتمشي لقت ايده بتشدها عليه
زهرة.... فيه ايه سيبني 
حمزة.... بقولك ايه
زهرة وهي بتصطنع الهدوء .... نعم 
حمزة حاوط كتفها وقال.... ماتروحي تلبسي وتيجي نخرج نتعشي برا النهاردة 
حمزة كان بيحاول يدخلها سكة
زهرة ببرود.... وانا ايه اللي يخليني اخرج معاك
حمزة.... مراتي وحابب استفرد بيكي..قصدي ابقي انا وانتي لوحدنا.. انتي وحشاني يازهرة... قولتي ايه 
زهرة شالت ايده من عليها وقالت.... هو انت هتطلقني امتا خليني اخلص
حمزة مسح علي وشه بضيق وقال پغضب مكتوم ... هو ده وقته.. انا بقولك ايه وانتي بتقولي ايه
زهرة.... ماهو اللي انتي بتعملو ده مش هياكل معايا.
حمزة... ليه يازهرة. انتي عارفة اني بحب.. 
قاطعته زهرة....... لأني ببساطة معنديش ثقة فيك.. 
اتنهدت وقالت... انا مش هتنازل عن الطلاق ياحمزة. ياريت تخلص بقا وتطلقني بهدوء. 
حمزة ببرود... مفيش طلاق يازهرة. انسي لانو مش هيحصل.. واخر مرة تنطقي الكلمة دي. فاهمة
زهرة بعصبية.... يعني ايه. 
كملت بټهديد.... بقولك ايه. انت هتطلقني. وياريت بهدوء.. متضطرنيش اعمل حاجة مش هتعجبك
حمزة باستهزاء.... هتعملي
ايه يعني
زهرة بقوة.... هرفع عليك خلع... وبتكلم بجد. مش بقول اي كلام... لو مطلقتنيش ياحمزة بالذوق هخلعك
حمزة بسخرية.... وايه اسبابك بقا.. مبصرفش علي العيال ولا معرفتش ادخل عليكي.. انتي بتتكلمي في حاجة خسرانة.. خلع ايه اللي عاوزة ترفعيه. دا انتي حتي بتدرسي قانون وفاهمة 
زهرة... انا ميهمنيش اخسرها او اكسبها.. انا اللي يهمني. اني اقدم الدعوة. وكلو يعرف ان مراتك رافعة عليك خلع
حمزة اتعصب ورمي فنجان القهوة علي الارض پغضب ومسك دراعها جامد.... انتي بتهبلي بتقولي ايه
زهرة حررت داراعها منو بقوة.... بقول اللي سمعتو.. 
صفية وليلي لاحظو صوتهم العالي... دول شكلهم پيتخانقو 
وقامو قربو عليهم
صفية... في ايه. ايه اللي حصل بس. مالكو
بصت زهرة لحمزة وبتحدي... ... انا هقدم الخلع ياحمزة واهينك. طالما مش عاوز تطلقني بهدوء.. انا هرفع القضية. هقل منك قدام الناس واخلي شكلك مايسواش واهين.. 
مكملتش كلامها
لان حمزة محسش بنفسه غير وهو نازل علي وشها بالقلم 
البارت 33
هقدم الخلع ياحمزة واهينك. طالما مش عاوز تطلقني بهدوء.. انا هرفع القضية. هقل منك قدام الناس واخلي شكلك ميسواش حاجة واهين... 
قالتها زهرة بقوة وتحدي لكن ملحقتش تكمل كلامها
لان حمزة محسش بنفسه غير وهو نازل علي وشها بالقلم
حطت زهرة ايدها علي خدها پصدمة وبصتله بكره وقالت ... هتفضل طول عمرك حيو.. 
بس علطول صفية لحقتها وحطت ايدها علي بوقها قبل ماتكمل.... بس يازهرة. بس عيب كده
وهي بتهديها و في نفس الوقت بتحميها من حمزة اللي رفع ايده وكان هيضربها تاني 
و رجعت بصت ل حمزة بلوم وعتاب.... لييه كده ياحمزة. ليه بس كده يابني
ليلي هي كمان بصت لحمزة بلوم .... ليه ياحمزة. الزاي تمد ايدك عليها كده. 
حمزة پغضب ... مش شايفين واقفة بتقل ادبها وبتبجح الزاي 
وبص ل زهرة وبتحذير..... اقسم بديني لو لسانك ده طول بعد كده وفكرتي تقلي ادبك تاني لاكسرلك دماغك. سااامعة 
زهرة.... انا بكرهك 
حمزة.... وهخليكي تكرهيني اكتر
كانت زهرة واقفة بتبصله بكره وڠضب شديد وهي كاتمة دموعها 
حمزة... لأخر مرة هحذرك. هتهبلي في الكلام وتقلي ادبك هكسرلك عضمك. 
و خرج پغضب وهو مش طايق نفسه
فوق علي السلم كانت واقفة حبيبة وهي بتبص علي زهرة بشماته وراحت علطول لأمينه تقولها وهي مبسوطة باللي حمزة عملو في زهرة
دخلت حبيبة الاوضة لامينه وهي بتقول.... الحقي ياخالتي.
وهي مرسوم علي وشها ابتسامة شماتة
امينة.... في ايه. ومالك مبسوطة كده
حبيبة ببتسامة تشفي.... حمزة اټخانق في زهرة تحت وضربها 
امينة ... دا بجد. وليه. ايه اللي حصل 
حبيبة وهي بتقعد علي الكنبة... قلت ادبها عليه ف ضربها. تستاهل 
مكانتش امينة مبسوطة باللي سمعته بالعكس كانت اول مرة تحس انها متضايقة ان في مشكلة حصلت بين حمزة وزهرة وده اللي لاحظتو حبيبة اللي خدت بالها انها مفرحتش زي كل مرة وسالتها وقالت... حساكي مش مبسوطة ياخالتي 
اتنهدت امينة وقالت.... اكيد مش هبقي مبسوطة لما اعرف انهم اټخانقو. ربنا يهديهم لبعض
بصتلها حبيبة باستغراب وشك... مالك ياخالتي.. هو انتي مبقتيش عاوزاهم يتطلقو 
قالت امينة .... ابني بيحبها وسعادتو معاها ياحبيبة. وانا عمري ما هبقي مبسوطة وانا شايفة ابني تعيس. ربنا يصلح مابينهم ويرجعو لبعض
حبيبة وهي مش مصدقة قالت پجنون... بتقولي ايه ياخالتي. واناا. انتي وعديتني انك هتجوزيهولي
امينة.... انسيه ياحبيبة. انسيه. حمزة مش ليكي. هو بيحب زهرة من صغره. وانتي ياحبيبتي مليون واحد يتمنوكي 
تحت 
بصت صفية لزهرة وقالت.. ينفع اللي عملتيه ده.. مفيش واحدة تعمل كده
صفية كانت بتكلمها وهي بتحملها الغلط وبتلوم عليها
بصتلها زهرة جامد وهي مش مصدقة ... عملت ايه. انا عملت ايه ياعمتو 
صفية.... مفيش واحدة ترد علي جوزها كده مهما يكون. في حدود في الكلام. انتي غلطتي يازهرة
زهرة بدموع.... وهو ايه. مغلطتش.. دا ضړبني 
قربت صفية حضنتها بزعل عليها.... ياحبيبتي مش بقول انو مش غلطان.. انتي بس مكانش ينفع تردي عليه كده وتخليه يتعصب ويمد ايده. مفيش راجل يستحمل ان مراتو تهينو حتي لو بالكلام.. وانتي غلطتي جامد
ليلي... مكانش ينفع يازهرة تقوليلو كده.. انتي عارفة انو عصبي. دا غير ان مفيش اي راجل هيستحمل مراتو تقولو كلام زي ده 
زهرة وهي مش مصدقة موقفهم.... يعني دلوقتي بقيت انا اللي غلطانة وهو الملاك البرئ.. انتو الزاي كده.. 
دموعها نزلت اكتر.... انتو مش عارفين انا فيا ايه ولا حاسة بإيه.
انتو الزاي. الزاي مش

حاسين بياا
مسكت ليلي ايدها وقالت .... والله ماقصدي.. انا حاسة بيكي والله. ومكنتش عاوزاكي تردي عليه