تكملة رواية جميلة جدا انتي جايه اوضتي ليه؟ بتعملي اية

(كامله جميع الفصول) بقلم نور احمد
- انتي جايه اوضتي ليه؟ بتعملي اية

= اصل..

- متتكلمي!

= انا خايفه انام لوحدي

- وانتى قبل كدا كنتي بتنامي ازاي

= كنت بنام عند جدو بس انا خايفه من البيت لانى اول مره ابات هنا  

قام من عالسرير بصمت

= هتروح فين

بزهق - هنام عالكنبه جمبك

= ماشي

طلعت على السرير بهدوء وانا ببتسم وفرحانه

وسمعاه هو عمال يفرك..

- اسر

- اسر انت نمت

= نعم

- انت بتفرك ليه

= اية بفرك دي!

- بتتحرك كتير لو مدايق ممكن تيجي جمبي

= لا شكرا

قعدت اضحك غصب عني..

= انتي ملبوسه ولا اية

بضحك - لاء متخفش

= انا مبخفش

كملت ضحك وانا حاسه اني مش قادره اسكت

- يعني متأكده انك مش ملبوسه؟

ضحكي ذات فا لاقيته اتكلم بجديه مصتنعه

= عايز انام كفايه صداع الفرح  

سكت وهوا راح فالنوم فا قعدت ابص عليه من بعيد ملامحه كانت حاده بس جميلة.!

* تاني يوم *  

- هتفطر انا عملتلك اك

قاطعني = لاء مش بفطر انا نازل

ابتسمتله - هاتلي حاجه حلوة وانت جاي

لف وبصلي = اجيب اية!

- حاجه حلوة

= مشي وسابني عارفه انه مدايق من وجودي

انا اتجوزت اسر بناء على وصيه جدو لي لاني كنت عايشة مع جدو فتره كبيره بعد مoت ماما وبابا اما اسر فا والده منفصل عن والدته وكل واحد في بلد وهوا كان قريب من جدو وبيحبه اوي يمكن عشان كدا قرر ينفذ وصيته وكان ماسك الشركه بتاعته كمان والي جدو كتب نصها لي والنص التاني ليا

لكن مكنش فارق معايا قد ما كان فارق اني هكون معاه..

فضلت طول اليوم بره في جنينه الفيلا لحد ما لقيت اسر راجع وانا كنت بطلب حاجه من البودي جارد الي عالفيلا