تكملة رواية جميلة جدا انتي جايه اوضتي ليه؟ بتعملي اية
مسك على وشه بايده
- انتي بتتصرفي من مخك ليه وبعدين في حاجه اسمها موبايل مكنش لازم تيجي لحد هنا واخرج اللقيكي بتتكلمي مع موظف انا مبحبش كدا فاهمه!؟
معرفتش ارد وكأن الكلام وقف ولتاني مره كنت عايزه اعيط جدا مشيت من قدامه بسرعه يمكن جريت كمان وروحت الفيلا وفضلت قافله الباب وقاعده جوه مفاتش نص ساعه وسمعت باب اوضتي بيخبط
- افتحي!
الفصل الثالث 3 بقلم نور احمد
- افتحي
= لاء
- لاء ؟
= اه متكلمش معايا
- انتي هبله ولا اية
= ملكش دعوه
زعق - بقولك افتحي
= افندم
- هوا انتي بتمشي وتسبيني؟
= ايوا عشان زعقتلي
- عشان جيتي من غير م اعرف ولوحدك
= ما هو عشان اشوفك واطمن عليك
- ليه هوا انا عيل ولا اية
= انا غلطانه
- ايوا طبعا غلطانه وواقفه تكلمي موظف فالشركه لي اصلا!
= وانت مالك
مسك دراعي بعصبيه - انتي مجنونه احنا متجوزين ولا نسيتي وامبارح برضو بتتكلمي مع البودي جارد كأنه ابن خالتك مش فاهم انا
عيطت والمره دي متحكمتش في دموعي قدامه = لا عارفه منستش ومتخطتش حدودي بس انت مش حابب وجودي ولا عاوزني واتجوزتني بس عشان دي كانت وصيه جدو ليك بس انت مش طايقني اصلا معرفش ليه جدو حطني فالموقف ده طلقني احسن
فضل ساكت فا دخلت اوضتي ورزعت الباب ورايا وسبته
ديما بسمع ان صعب التعامل معاه وانه عصبي وانطوائي وعنيد وعمري ما تخيلت انه كدا.!
قعدت اعيط وتقريبا نمت من كتر العياط وانا علي الارض وصحيت لقيت نفسي عالسرير اتخضيت اني لوحدي ولكن أللتفت لقيته نايم جمبي؟!!!!!!!!!!
ابتسامه خرجت مني ونزلت وشي تحت الباطنيه تاني من الكسوف
- صحيتي؟
_ انا سامعك بتفركي علفكره.
استغربت انه قال بفرك زي = بفرك؟
_ ايه في ايه
= ياتري مين الي شالني من عالارض ودخلني هنا
- هيكون مين هو في غيري انا وانتي؟
= اممم هتفطر؟
- لاء
قام دخل الحمام انتهزت الفرصه ونزلت عملت فطار بسرعه وبعدين لبس وكان بيتحرك للباب فا اتكلمت بصوت عالي
- حلو اوي الفطار دا.
بصلي بطرف عينه
- وكمان خفيف وينفع يتاكل بسرعه
لاحظت ضحكته الي بيخبيها فا ابتسمت
= بالهنا
- اقعد كل معايا!
= هبقي اجي عالغدا سلام
مشي كان جوايا احساس غريب فرحانه اوي!!!
-----------------
- الا بقولك يا عاصم متعرفش مصنع شوكلاتة؟
= هتغير النشاط ولا اية يا سياده المدير
- يخربيت غتاتك
= اعرف بس اشمعنه شوكولاتة
- وانت مالك ياخي
= طب حيس كدا اروح اكمل شغلي ها
- روح روح وانت ملكش منفعه كدا
غمزتله = سبها عليا وهظبطك في شوية حلوين
- داانت فاهم بقي!
= تربيتك
- تربيه بنت
= هوب هوب منتج
- على مكتبك ياض
ضحك ومشي
