تكملة حكايتي مع غرام الاكابر (كاملة)

....

وفى اخر اليوم استاذنهم عاصم كى يغادر هو وغرام...

انتهى مراسم العزاء..يوسف هو ولؤى..

يوسف: رغد احنا هنمشي دلوقتى.وخلى بالك من نفسك وفى اى وقت لو احتجتى حاجه اتصلى عليا 

شكرته رغد هو ولؤى 

دخل صاحب المنزل 

صابر: بقولك ايه يا رغد فرصه أن أهلك هنا ظنا منه أن يوسف ولؤى أقاربها..

انا استحملتكم اكتر من سنه وانتم ما بتدفعوش الايجار..والشقه تلزمنى...

رغد: اوعدك هشتغل واسدد ليك كل حاجه..

صابر: وانا لسه هنتظر..فى مستأجر موجود وفلوسه جاهزة..

يوسف: خلاص يا حاج اتفضل استلم شقتك

وانتى يا رغد. ادخلى هاتى الحاجات المهمه

رغد: بس هروح فين 

يوسف: هتيجى معايا..

رغد باحراج: ما ينفعش هاجى بصفتى ايه

يوسف بحنان فقد شعر أن ما يحدث معه ومع تلك الفتاة هو إشارة من الله..

يوسف: بصفتك خطيبتى 

رغد بصدم#مه ايه

يوسف: مش وقت صدمات ويلا أجهزى..

دخلت رغد لإحضار ملابسها واحتياجاتها المهمه..

لؤى: والله عين العقل يا يوسف..حرام نسيبها لوحدها هنا...

عند عاصم وغرام

وصلا إلى الفيلا وجدوا 

حسن وزوجته شاديه وبنات عمها هند وسماح

فرحت غرام برؤيه عمها وجريت عليه واحتضنته بحب..

وسلمت على زوجه عمها وبنات عمها

عاصم باستغراب مين دول..

أشار إليه حكيم بأنهم اسره غرام..

حسن:احنا جينا هنا بأمر من حكيم باشا الله يكرمه

وقال إنه اشترى لينا شقه وجاب ليا محل استرزق منه..

حكيم: دا واجب واحنا دلوقتى أهل ونسايب

غرام بحب.شكرا يا بابا 

نظرت لها شاديه بكل حقد..

شاديه فى سرها بقي البت اللى كانت خدامه عندى تعيش فى العز دا كله..

ادهم وهو يرى السعاده على وجه غرام رغم معرفته بما عانت منه مع تلك السيده إلا أنها متسامحه 

عاصم: ياه يا غرام دا انتى طيبه اووووى..

جلسوا جميعا لتناول العشاء..

كانت غرام تضع الطعام أمام بنات عمها بفرحه فهى تحبهم...وتعلم أنهم ليس لهم ذنب فى معامله شاديه ...

بعد أن انتهوا 

حسن: هنمشي احنا بقي وشكرا يا حكيم باشا على بتعمله معانا..

حكيم: دا اقل واجب جنب الجوهرة اللى اخدناها

أمر حكيم السائق بايصالهم إلى شقتهم الجديده..

وصل حسن وشاديه وبناتها إلى الشقه الجديده

شاديه: بقي يا راجل تبقي عارف أن غرام هتبقي فى العز دا كله وتروح تجوزها..ما قولتش ليه على واحده من بناتك هما اولى بالجوازة دى..

حسن: انتى اتجننتى ولا ايه يا وليه..بنتك لسه ما كملتش 14 سنه

شاديه: ما مصيرها هتكبر..انا طالع من عنيا العز دا كله يبقي لواحده زى غرام..

حسن: انتى اللى كل حقد وغل ناحيتها.مش شايفه العز اللى هنعيش فيه بسببها..

شاديه: انت ديما اللى بتظلمنى وبتفضلها حتى عن بناتك

حسن: اللهم ما اطولك يا روح..

وتركها وذهب ليجلس مع بناته 

سماح: الشقه جميله اووووى يا بابا

حسن: ايوا يا بنتى الحمد لله 

سماح: غرام دى طيبه اوووى شوفت كانت بتعاملنا ازاى

حسن: ما هى اختكم واتربت معاكم...

هند: الحقيقه ماما كانت بتحذرنا نتكلم معاها..بس والله طلعت طيبه 

حسن: ربنا يهديكى يا شاديه..

عند يوسف