تكملة قصة مريم 20 سنه كليه تجاره كااااملة
انت في الصفحة 5 من 5 صفحات
بعد 20 يوم اتصل كالعاده وطلب ننزل وافقت
نزلنا
قالي فيه شقه جديده في التجمع الخامس عجباني واحد صاحبي قالي عليها تعالي نروح نشوفها
مريم طيب هتصل علي ماما تيجي معانا
مصطفي. ماما ليه هو انتي لسه عجبتك علشان ماما تشوفها
مريم مش بنفع اروح معاك لوحدي
مصطفي انتي مش بتثقي فيا وبعدين انا خطيبك وكلها ايام واكون جوزك
مريم. خلاص ماشي بس مش هنتاخر
روحنا وطلعنا الشقه هي كانت شقه جميله جدا متشطبه تشطيب فوق الممتاز
مصطفي ايه رئيك يا عروسه
مريم حلوه اوي
مصطفي طيب مفيش بوسه تحت الحساب
مريم بوسه ايه اتلم
مصطفي اي حاجه تحت الحساب
مريم يلي نمشي يا مصطفي
مصطفي لا نمشي نروح فين لسه بدري
مريم لا انا اتاخرت ولازم امشي
مصطفي قولت لسه بدري وقرب مني وشدني من ايدي عليه
مريم مصطفي انت مجنون بتعمل ايه
مصطفي. بعمل الي المفروض يتعمل
اتهجم عليا وانا فضلت اصوت حظي اني التليفون رن
حاولت اطلعه بصعوبه من الشنطه وفتحت زقه من ايدي وقع
فضلت اصوت والتليفون مرمي عالارض وانا بصوت قولت عنوان الشقه الي انا فيها
مصطفي عمال يتهجم عليا وانا بقاوم وبصوت
بعد شويه الباب خبط جامد لحد ما الي برا كسر الباب
أحمد، دخل جري شد مريم من ايد مصطفي ومسك مصطفي ضربه جامد
احمد تقريبا فضل يضرب في مصطفي لحد ما مصطفي فقد الوعي
قومني وقلع الجاكيت لفني بيه وخرجنا
بس قدام باب الشقه صوت رصاصة
صوت وبصيت ورايا لقيت مصطفي مرمي في الارض وماسك مسدس موجهه نحيتنا
بصيت جمبي لقيت احمد ماسك بطنه ووقع في الارض
مصطفي قام وخرج جري
انا اتصلت بالأسعاف جت ونقلت احمد لاقرب مستشفي
احمد. مريم مش عاوز حد يعرف بالي حل دا
مريم. اسكت علشان الجرح
احمد. مريم اسمعي الكلام ومش تقولي لحد اخرجي دلوقتي لاقرب محل هاتيلك لبس علشان محدش يعرف حاجه
مريم. احمد مش هسيبك دلوقتي لبس ايه وزفت ايه الي يعرف يعرف
احمد. مريم علشان خاطري اسمعي الكلام
مريم طيب اهدي بس انت
ودخل اوضه العمليات وانا نزلت جيبت لبس من محل جمب المستشفي ورجعت بسرعه
اتصلت عليهم في البيت عرفتهم اني احمد اتضرب بالنار وفي المستشفي معاه جم بسرعه
بابا. ايه الي حصل
مريم. مصطفي ضربه بالنار بعد ما كان بيتهجم عليا وأحمد لحقني
بابا. الحيوان وهو فين
مريم. معرفش هو اختفي بعد كدا
بعد 5 ساعات انتظار خرج الدكتور من اوضه العمليات جرينا عليه
خير يا دكتور
الدكتور. والله للاسف مش خير احنا عملنا الي علينا والباقي علي ربنا الرص،ـاصة قريبه من القلب وفيه نزيف داخلي
انهرت في العياط لاول مره احس اني قلبي هيتخلع عليه مش قادره
بابا. طيب يا دكتور مفيش اي حل نسفره برا او اي حاجه
الدكتور. الحل الوحيد انكم تدعوله بعد اذنكم
عدي اليوم وهو في العنايه المركزه وكلنا في المستشفي فضلو يقولولي اروح بس لا مش قادره اسيبه
تاني يوم الصبح
الممرضه حضرتك مريم
مريم ايوه
الممرضه طيب المريض عاوز حضرتك
مريم قامت جري مع الممرضه راحت لاحمد
اول ما شافته فضلت تعيط جامد
احمد بدا يتكلم بصعوبه
مريم مش تعيطي انا ربنا خلقني علشان اسعدك مش انا الي اكون سبب في انك تعيطي لا انا اتخاقت علشان امنع اي حاجه تضايقك وتعيطي عليها لازم تعرفي اني عيشت بحبك وهموت وانا بحبك والحمد لله اني ربنا هياخد قلبي وهو محبش حد غيرك لاني دا الي كنت بدعي ربنا بيه ديما
مريم خدي بالك من نفسك ولو ليا خاطر عندك مش تخلي اي حاجه تضايقك وابقي افتكريني ديما بالخير وادعيلي ومش تسيبيني وتخرجي عاوز اخر حاجه اشوفها في الدنيا هي صورتك
مريم. احمد بجد مكنتش عارفه انك بتحبني الحب دا كله انا منت انانيه اوي مكنتش بشوف غير نفسي ولا بفكر غير في نفسي احمد انا بحبك احمد أحمد أحمد رد عليا لاااااااااااااااااااااااااااا
سعات مش بنحس بالحب غير لما يضيع مننا "
