حب امتلاك بقلم هند إيهاب
أسلوبه روحت وعرفتهم أني مسافره رحله مع تيم الشركه بابا وماما أستغربوا شويه بس متكلموش معاي في حاجه دخلت أوضتي شديت شنطة سفر صغيره يدوب تكفي التلت أيام اللي هقعدهم في أسكندريه حطيت كل حاجتي وقفلت الشنطه بعد ما أتأكدت من كل حاجه موجوده دخلت المطبخ عملت كوباية نيسكافيه
فتحت الساوند علي أغنية ل رامي جمال فوقت متأخر
مشيت وياك طريقى وكنت حالف اكملة ماجاش على بالى خالص اللى كنت بتعملة صغرت فى عينى اكتر من اللى كنت اتخيلة فهمت ان اللى بينا دة كان غلط من اوله
خدت بق من النيسكافيه المره دي عملته من غير سكر طعمه كان أهون بكتير من كلامه اللي طالع زي السکينه اللي غرزت جوه قلبي كنت واقفه بتفرج علي الشارع والجو كان حقيقي رهيب من السقعه التفكير في كلامه قادر ينسيني برودة الهوا
كنت حاسس أن أنت اللي مشغله الأغنيه
كنت بتفرج علي الشارع وبشرب النيسكافيه وقال
وبعدين يا هند هنفضل في اللي أحنا فيه ده كتير
وهو أيه اللي أحنا فيه كنا ولاد عم وصحاب بقينا ولاد عم بس
كل ده عشان الكلام اللي قولتهولك مكنتش أعرف أن قلبك أسود أوي كده
بس أنا مقصدش علي فكره أنا بس أتضايقت
أيا كان ده ميدلكش الحق أنك تقول عني كده
بعدت وشي عنه واتنهدت وبعدين بصيت له وقولت
وعشان مسببلكش أحراج أعتبرنا كمان أننا مش ولاد عم
بستغراب قال
أزاي يعني!!
عادي عشان محدش يفكر في نفس تفكيرك المړيض ده ويتكلم عليك بي
جز علي سنانه وقال وهو بيشوح بأيديه بعصبيه
كرمشت وشي وقولت
مش مستبعداها يا تميم لأنها أجت من أقرب حد لي
دمعت ڠصب عني قدامه وقولت
ودي حاجه كبيره أوي بالنسبالي وچرح كبير أوي أوي
دخلت من البلكونه قبل مضعف قدامه وقعدت ورا البلكونه بعيط علي غبائي وضعفي اللي بيبان في كل وقت بعيط علي حبي ليه بعيط علي كونه أقرب أنسان لي وقال عني كده
قومت عشان ألبس لبست بنطلون وهاڤ كول وچاكت دخلت سلمت علي بابا وماما بابا أصر أنه يوصلني للأتوبيس شيلت الشنطه ونزلنا لقيته في وشي كان بيحط الشنطه في العربيه
واحشني يا عمي والله
واد يا بكاش ده اللي بينا باب مش قادر تخبط وتيجي تسلم علي عمك
عندك حق بس والله ڠصب عني
سكت وبعدين قال
رايح فين كده
هوصل هند للأتوبيس
هز راسه وقال
خلاص سيبها وأنا هوصلها طريقها من طريقي
أسميته_تميم
هند_إيهاب
حب أمتلاك_الجزء الرابع
كنت همشي بس وقفني وقال
مالوش لازمه اللي بتعمليه ده أنا هوصلك مش أكتر
ممكن تركبي
فتح لي بابا العربيه وركبت قفل الباب ولف عشان يركب شغل العربيه ومشينا محاولش يتعرض لي بأي كلام بالعكس فضل ساكت طول الطريق للحظه كان صعبان علي منتكلمش بس محبتش أفتح كلام فتحت التليفون وبعت مسدچ
