يجلس نور يشاهد احد الافلام الاجنبية وقد انتصف الليل تقريبا.
ناصر كلم لولا تاني وطلب يقابلها تاني لكنها رفضت بحجة ان زوجها بيراقبها وبيشك فيها وبيرجع البيت بدري كتير. وانهم لازم يبعدوا لفترة حتي ينتهي زوجها من شكوكه ومراقبتها.
ناصر قرر يراقب لولا وزوجها خيري علشان يتأكد من كلامها اذا كانت صادقة معاه ولا بتكدب عليه.
ناصر بعد مراقبة خيري لاحظ ان خيري بيرجع البيت في مواعيده الطبيعية واتأكد كمان ان خيري مش بيراقب لولا.
بدأ ناصر يراقب لولا نفسها وكل تحركاتها.
بعد اول لقاء بين لولا ونور واللي مشاعرهم اقتربت فيه من بعض بصورة كبيرة اصبحت مكالمات لولا ونور التليفونية باستمرار وكل يوم اكتر من مرة.
لدرجة ان نور اتعود علي وجود لولا في حياته وطلب يقابلها مرة تانية.
لولا في الوقت ده اصبحت تائهة ما بين زوج قاس.ي تريد الانفصال عنه ولكن حب التملك عنده جعله يتمسك بها لاقصي درجة. وبين حب قديم لاول انسان تشعر معه بالحب والحنان ولكن الظروف حولته لانسان قاسي القلب يستحل الحرام واسهل شئ عنده القت.ل فكان الابتعاد عنه ضروري. وبين حب جديد رأت فيه انسان مختلف اوقعته الظروف في طريقها لكي يكون الامل في انقاذها من حياة بائسة لتبدأ حياة جديدة طاهرة تختلف عن حياتها من قبل.
حدد نور ولولا ميعاد ومكان لقائهم وبخلاف المرة الاولي اهتم نور بشكله وهيئته وارتدي افضل ثيابه وتعطر ذاهبا للقاء من دق لها قلبه ( رغم رفض عقله ).
وايضا ارتدت لولا افضل ثيابها وتعطرت بافضل العطور للقاء حب ولد في قلبها كبيرا قبل ان تراه عينيها هو النور والامل الباقين في حياتها.
ولكن كان هناك شخصا اخر في نفس الوقت ينتظر هذا اللقاء بشغف ليتأكد من خي،ـانة لولا وخداعها له ليوقع عليها اقسي عقاب. ناصر ظل يراقبها بلا ملل حتي رأها خارجة من منزلها بأجمل صورة فسار خلفها ليتتبعها دون ان تشعر.
: ازيك يا لولا عامله ايه يا قلبي ؟
: تمام الحمد لله كويسة.
: وحشتيني اوي ونفسي اشوفك.
: ما انا قولت ان صعب الايام دي علشان جوزي بيشك فيا وبيراقبني.
