ماما رجعت البيت وانا كنت مخنوقه

حاسه ان قلبي هيقف من مكانه
_فتحت لقيت احمد باعتلي كتير اوي باعتلي رسايل وانه كان نفسه يبقي معايا الفتره دي بس ظروف سفره وشغله
عدا تلات ايام ع مۏت غرام كنت نايمه صحيت ع صوت ماما بتزعق بصوت عاالي خرجت جري اشوفها مالها
_انا خلاص زهقت منك ومن قرفك انت ازاي راجل انت حيوان
_انا هاخد ال عايزوا بالذوق او بالعافيه
_انت ياراجل اټجننت حقوقك الزوجيه اي اللى هتاخدها وبنتك لسه نارها مابردتش انت حيوان امتي ونخلص منك 
_مش انا ال مۏت بنتك دا اجلها وخلص
_لا انت ال مۏتها بنتك ماټت بسببك وبسبب جحودك عليها انت ازاي حيوان كدا 
_٠لقيته بيجري عليها وبيضربها كالعاده بس المرادي انا مكنش عندي خلق للخناق انا تعبت 
دخلت اكلم احمد هو اكتر حد برتاح معاه لكن المرادي كنت مصره اني احكي احكي كل حاجه 
_احمد انت فين 
_انا موجود دايما ليكي 
_انا تعبانه وعايزه اتكلم معاك 
_وانا عايز اسمعك
_هو ايه بيعمل كدا معانا هو ازاي محسش ان حته منه تحت التراب هو ازاي اب اناني اوي كدا 
_ياااااه أخيرا قولتي مين ال بيضايقك هو طلع ابوكي
_تعرف انا عمري ماحضنت بابا ولا اعرف حضڼ الاب دا عامل ازاي تعرف اني بدور ع الحنان بره هو ليه مكنش حنين علينا 
ليه ياحمد هو خلي غرام ماټت انا بكرهوا اوي يااحمد
_تعرفي اقولك ع سر محدش ف حياتي يعرفوا محدش غيرك والله
_بدأت يتكلم ويقولي تعرفي ياغزل ان انا ولد وحيد وماشوفتش امي ولا مره عيشت من غير امي العمر كله انا نشأت ف اسره متكونه من اب قاسې اوي ومرات اب لا تقل قسوه عن بابا كنت بضړب واتعذب واسكت مكنتش اعرف معني حنان الاب ولا الام كنت بخاف اتكلم احسن اضرب كنت بخاف اطلب اي طلب احسن اضرب كنت كل اما اسأل عن امي يتعصب ويتحول لواحد تاني معرفهوش كنت بخاف اوي منه ومن نظرته بدأت اكبر واشتياقي ل ماما بيزيد طب فين امي قالي ان الست ال اسمها امي رمتني وانا عيل صغير رمتني علشان تتجوز هي الشخص ال بتحبه 
_يانهار هي ليه امك تعمل كدا ازاي ام تعمل كده اصلا
_بس انا امي معملتش حاجة هو كان كداب انا اكتشفت انه كداب

وانا شاب كبير شاب ماشفش امه ولا مره
_طيب مافكرتش تدور عليها 
_دورت كتير محدش عرف عنها حاجه لحد ماحياتي بدأت تتغير للاحسن
_طب الحمدلله وازاي اتغيرت 
_كنت بدأت احب واحده اوي غيرتني خلتني اشوف الدنيا بشكل تاني هي ازاي حلوه كدا ازاي لبني ادمه واحده تخليني اعشق حياتي حبيتها اووووي اوووي
_امممم طب ليه مكملتش معاها
_مكملتش لان اهلها جوزوها حد تاني واحد كان جاهز وهي زي اي بنت مالهاش رأي وافقت وعاشت حياتها انا مبطلتش اراقبها وعرفت انها خلفت ومن هنا كل اخبارها انقطعت معايا مبقتش بسأل عنها ولا بعرف اخبارها مبقتش تشغلني اني اعرف عنها حاجه 
طيب انت عرفتني ازاي
_عرفتك ازاي دي حاجه كبيره اوي هحكيلك ياست
انا كنت معاكي ف جروب ولقيتك معلقه ف بوست وبتقولي انك لوحدك وانك مكسوره وان الدنيا كلها جايه عليكي بصراحه لقيت حاجه شدتني للتعليق بتاعك وضحك وقولت يااه هو ف حد لسه حاسس بالوحده رغم وجود الناس دي كلها لقيتني بكلمك كل يوم وكل ساعه وكل الوقت معاكي وحاسس براحه اوي معاكي
_طب وهتفضل تكلمني لحد امتي 
_لحد متوصلي لحل لحياتك واطمن عليكي 
_بس انا حاسه اني اتعلقت بيك انا معرفش ازاي بقولك كدا بس اول مره احس الاحساس