ماما رجعت البيت وانا كنت مخنوقه

رساله من احمد
_تعرفي ليه ربنا بيبعتلك ناس تهون عليكي وطبطب ع قلبك علشان انتي تستاهلي الفرح تستاهلي تتحبي انتي تستاهلي ان يرتاح قلبك انتي جميله ياغزل
_كنت بقرأ الرساله وانا ببتسم ازاي شخص مايعرفنيش شايفني بكل الحب دا هو لسه ف ناس كدا 
_شوفت الرساله وماردتش 
_اي اختك عامله اية دلوقتي وانتي عامله اي احكيلي يومك
_بدأت اتكلم معاه واقوله قد اي كان يوم صعب بس احسن حاجه حصلت ف اليوم هي عمو وحضن عمو ال حسسني بالامان وان الدنيا بخير
_هو ليه مش كدا يعني ليه عمره ماحسسني بالامان
_علشان هو شخص مش سوي ياغزل هو ف حد يلاقي بنوته زيك وميحسسهاش بالامان 
_تعرف يااحمد هو عمرو ماحضني ولا قالي كلمه حلوه
_هو شخص خساره فيه محبتكم اصلا 
_انا مش بحب اتكلم عنه انا بكرهوا اوووي ياااحمد انا بكرهوا
_خلاص منتكلمش عنه تاني هو شخص وحش وانا كمان بكرهوا
_انت عارف هو مين علشان تكرهوا
_لا انا مش عارف هو مين بس كرهتوا زيك 
_انت عارف ان هو وصل غرام اختي للحاله دي
_٠متقلقيش ع غرام هتخف وهتبقي احسن وهترجع تفرح تاني وضحكتها تملي المكان
_تفتكر هترجعلي تاني 
_ااه هترجع والله 
ولسه كنت بكلم احمد وفجأه لقيت الدكتور بينادي عليا بصوت عالي غزل غزل غزل 
_جريت ع الدكتور وانا قلبي هيقف خير يارب اي حصل ف اي غرام كويسه يادكتور ف اي انطق اختي كويسه صح فاقت وعايزه تشوفني اه اصلها واخد انها اول ماتصحي من النوم بتكون عايزاني انا هدخل اشوفها 
_البقاء لله ياغزل انا عملت كل حاجه اقدر عليها لكن غرام ټوفيت انا حاولت اني الحقها لكن غرام كان رافضه تعيش 
_انت كداب انت بتكذب عليا

اختي عاااايشه والله اصلا استحاله تسيبني وتمشي احنا بينا احلام كتير اوي لسه ماتحققتش ولا عشناها انت كداب احنا لسه مابقناش فرحانين ولا لفينا العالم انت تعرف احنا متفقين اننا هنتجوز ف بيت واحد ااه ونعوض ماما وبعض كل الۏحش ااه غرام هتبقي دكتوره وهتكون ناجحه انت ليه بتكذب كدا اوعي من وشي انا هدخل اشوف اختي حبيبتي وبنتي الصغيره هدخل الاقيها قاعده بتضحك وبتقولي هو پيتخانق فكك منه تعالي جبتك معايا شكولاه 
_افهمي غرام ماټت ولازم تتصلي بحد اكبر ييجي يستلم الجوسه علشان انتي صغيره ومش هينفع تخلصي الاجرأت لوحدك 
_انت عبيط هتصل اقول لماما اي اقولها تعالي خد بنت مېته انا عايزه اختي صاحيه انا مش مصدقه انت كداب وفضلت اصړخ أصرخ وفجأة
_لقيت حد بيحضني جااامد اي دا هو نفس عمو بيحضني وبيقولي قومي انا معاكي انا هخلص كل الاجرأت بس لازم نعرف ماما ان غرام ماټت ياغزل لازم تشوفها لاخر مره 
_انت بتقول اي انا اختي عاااايشه انا اختي هتطلع دلوقتي هعرفكم انكم كدابيين انا هدخل اقولها حاجه سيبني ادخل اقولها حاجه
_افهمي
ياغزل غرام ماټت والله 
_اخرصوا كلكم اختي عااااايشه ياغراااام ردي عليا ياغراام انا غزل انا امك مش اختك زي مابتقولي
وبالفعل عمو دا اتصل ب ماما وجات جري تفتكره بيهزر طب تعرفوا انه مجاش ال بيقولوا عليه بابا مجاش ورانا المستشفى يشوف بنته المېته هو ازاي ف واحد وحش كدا ازاي ف اب معندهوش قلب بالشكل دا 
_يعني ايه ياغزل يعني كدا خلاص رجعنا البيت من غير غرام يعني مفيش خفه ډم تاني يعني مفيش هاكل اي ياماما ولا انتي بټعيطي ليه ياماما ولا تعالي ياماما احكيلك حدوده 
_انا ازاي هنام من غيرها ياماما ازاي هدخل البيت وهي مش فيه 
فضلت اعيط جاامد اوي كنت