رواية فادي ونيرة كاملة الفصول بقلم يارا رشدي
ثم قال
ميرسي اووي بجد
انتهي المقطع الصوتي نظر فادي حوله ليجد الجميع ينظر الي هاتفه حتي والد نيره
ونيره ايضآ نظرت الي هاتفها عندما وصلت اليها رساله
قامت بفتحها لتجد صورها تلك
وعباره نصيه
كل الي قدامك يا قمر بيتفرجوا علي الصور دي ومش بس كده لا انا نزلتها علي الفيس
رفعت عينيها عن الهاتف وجدت الجميع ينظر الي هاتفه
انا من الاول عارف ان خلفتك دي هتجبلي العاړ
انهي جملته وصفعها بقوه لتسقط نيره علي الارضيه اقترب فادي منهما وابعد مراد عنها قائلا
نيره ملهاش ذنب في حاجه والله ما ليها ذنب
ابعده مراد ثم حاول نزع حزامه الجلدي صارخآ
اسكت انت
انهي جملته تلك لتصرخ هي باكيه وتزحف علي يديها تحاول الابتعاد عنه ومازال هو يطيح
سليم الحقني
تنهد بقوه وانحني الي مستواها ثم جذبها من يديها برفق وساعدها علي الوقوف
وعندما اقترب منها مراد منعه سليم قائلا بجديه
وبعد ما تضربها وتموتها في ايدك هتتحل كل حاجه يعني!!
_ اوعي يا سليم
مش هخليك تمد ايدك عليها انت دلوقتي افتكرت ان عندك بنت !! احنا الي ربيناها واهلها وهنحل كل حاجه
_ تحل ايه الصور نزلت علي الفيس
قالها صارخآ
خرج صوت سليم قائلا
انا هتجوز نيره
انتهي الماذون من عقد قران كلآ من نيره وسليم
نظر الي اشرقت التي تنظر له بعين دامعه ابعد نظره عنها وهو يضغط علي شفتيه بضيق
اظن زي ما حضراتكم شايفين كتب الكتاب خلص واتجوزنا والماذون مشي يعني الليله خلصت وضعكم ايه دلوقتي هتفضلوا مشرفينا لحد امته !
نهض الجميع باحراج واضح اقتربت ناديه منها وحاولت افاقتها ليقول مراد
سبيها يا ناديه خليها ټموت وتغور في داهيه
هتفت اشرقت بصوت مخټنق
انا عايزه اتكلم معاك يا سليم
_ مش دلوقتي خدي اختك وامشي وبلاش تجيبي سيره لاهلك بخصوص الي حصل
_ يعني ايه ! انا مش هقبل بالوضع ده
قالتها باكيه ليقول هو بنفاذ صبر
خديها يا مريم وامشوا دلوقتي
لتقول مريم
يلا يا اشرقت الوقت اتاخر
اقتربت منه اشرقت ثم قامت بنزع الدبله المعلقه في يديها هاتفه
دبلتك اهي
قالتها وهي تلقيها عليه ثم خرجت من المكان هي وشقيتها لتقول ريم
الحمدالله ان منير ميعرفش ان عندي اخت كان زمان فضيحه الهانم لازقه فيا
عمي خد عيالك وامشوا من هنا بعد اذنك يعني
قالها سليم بنفاذ صبر وصدره يعلو ويهبط ليقول مراد
انت بتطردنا من بيت اخويا شايف يا شريف !!!
_ لا مش بطردكم ولا حاجه ودي تيجي انا الي ماشي خالص بس ايدك يا عمي لو اتمدت علي نيره تاني انا مش هسكتلك انت ملكش الحق في كده
بابا واحنا بس الي لينا الحق لكن انت رميتها من صغرها وظلمتها وعيالك كملوا ظلمك
قالها ورحل من المكان باكمله ليقول مراد
انا لو اعرف ان تربيتك عره بشكل ده مكنتش جبتلك البت تربيها عندك
وفادي يقف بعيد يراقب ما يحدث بصمت والدموع في عينيها كل ما حدث ويحدث بسببه هو !!
هو المذنب في كل شئ نيره لم تفعل شئ
_
بعد مرور الوقت
رحل كلآ من مراد وابنائه
فتحت نيره عينيها وبدات ان تستعيد وعيها نظرت حولها لتجد ناديه بجانبها وشريف يجلس علي المقعد المقابل لها وفادي يقف بعيدآ
خرج صوتها وهي تقول بصعوبه
عمو شريف انا معملتش حاجه انا مكنتش في وعي اصلا هو شربني كتير وانا دوخت ومحستش بحاجه
لم يجيبها شريف بشئ فقط نظر بصمت ثم رحل وتركها التفتت الي ناديه قائله
انتي مصدقاني يا طنط صح
اشاحت وجهها بعيدآ عنها ثم نهضت هي الاخري وتركتها
وضړبت راسها بالاريكه شعرت بفادي وهو يجلس بجانبها قائلا
انا اسف يا نيره الي حصلك كله بسببي كله بسبي
قال جملته الاخيره وهو يكور قبضه يديه ويضرب بها جبهته بقوه الټفت اليها نيره ومنعته هاتفه
لا يا فادي انت ملكش ذنب في حاجه انا الي روحت حازم ومسمعتش كلام حد منكم
انتبه كلاهما لسليم الذي وصل للتوء نظر حوله ثم قال
قاعد بتعمل ايه لحد دلوقتي مش تقوم تغير هدومك دي وتشوف هتنام ولا هتعمل ايه !!!
نهض فادي بصمت ورحل ليقول سليم
وانتي نظامك ايه هتفضلي قاعده كده كتير بمنظرك ده !! المكياج سايح علي وشك وشكلك يقرف
_ الصور الي شوفتها يا سليم انا مليش ذنب فيها حازم ڠصب عليا اشرب وبعدين محستش بنفسي صحيت لقيت نفسي علي سري_____
قاطعها هو قائلا بجديه
هوووووس قومي يلا اغسلي وشك من الزفت الي عليه ده ومش عايز اسمع كلمه منك
_ ي
زعق بها
سمعتي قولت ايه ولا اعيد تاني !
لتقول هي
ماهو انت لازم تسمعني
_ مش عايز اسمعك انا حر ومن دلوقتي الكلمه الي هقولها تنفذيها من غير حرف زياده الحياه السهله الي كنتي عايشها قبل كده انسيها خالص لانها مش هتكرر التاني
ثم نظر الي الفستان الذي ترتديه وهتف
لبسك ده تبطليه القصير والعريان والقرف ده مش عايز اشوفه تاني عليكي
ثم تناول هاتفها الموجود علي الطاوله ثم قام برميه علي الارض وضغط عليه بقدميه بقوه هاتفآ
موبيلات مش هتمسكي خروج لوحدك مش هيحصل ولا معاكي حد انتي مش هتشوفي وش الشارع تاني اصلا
_ انت ملكش الحق تتحكم في حياتي بشكل
ده عمو شريف هو بس الي يتكلم
_ لا ماهو مسمعتيش الجديد ! انا دلوقتي ليا الحق اتحكم في حياتك اكتر من بابا ماهو انتي مراتي دلوقتي يا ماما
_ بشكل مؤقت فتره وهنتطلق انت اتجوزتني بس علشان الفضحيه الي حصلت
_ اهي الفتره دي هتمشي علي مزاجي انا فيها وبكره الصبح تجهزي شنطتك علشان هنروح شقه بتاعتي الي مفروض كنت هتجوز فيها انا واشرقت
_مش هروح معاك في اي مكان وبلاش تتحكم فيا بطريقه دي
_ طيب بكره الصبح تجهزي شنطتك وتيجي معايا برضاكي احسن علشان ماخدكيش ڠصب عنك تمام الي زيك اصلا المفروض ميتكلمش نص كلمه
لم يمهلها فرصه للرد حيث اختفي من امامه لتجلس هي علي الاريكه وتخفي وجهها بين يديها بحزن
صعد الي غرفته ثم قام باخراج هاتفه وارسال رساله الي اشرقت علي تطبيق واتساب
هان عليكي ترمي الدبله في وشي
انتظر لحظات وظهر امامه انها قامت برويه الرساله ولكنها لم تجيبه بشئ ليرسل هو
مكنش قدامي حل تاني وانتي شوفتي بعينك الوضع كان ايه
لم يصل اليه رد قام بالاتصال بها اكثر
