تكملة انا متجوزك عشان بنتي محتاجة ام بعد امها الله يرحمها
هتشوفه دا هو حبك الحقيقي بنتك عندك اية وعقلك في راسك تعرف خلاصك سلام يا ابني بس مترجعش تعيط في الآخر
—— اذكروا الله
هند ماشية في الشارع زي التايهة وهي بتكلم نفسها
هند:- يعني ايه يعني طلقتي خلاص طب لية هو بياخد حقها مني لية أيوة أنا اللي خططت ودبرت بس كل دا عشان سجي
– بس سجي ماتت
هند:- أخرس قطع لسان اللي يقول عليها كدا سجي عايشة وهترجع قريت
مرات أخوها:- وانتي جاية تقعدي عندنا لية
هند بصد@مة: دا بيت أخويا يعني بيتي اقعد براحتي فيه
مرات أخوها:- لا يا حبيبتي دا بيتي انا وأنا مش هستني تخربية زي ما خربتي بيتك خدي الشنطة اللي في إيدك دي واتكلي على الله من هنا ملكيش قعدة في بيتي لحظة
أخوها بصلها بجمود وقال:- اللي تخرب بيت ابنها قادرة تخرب بيت أخوها انا آسف يا هند عندي عيال عاوز اربيها
هند بقت مزهولة من اللي بتسمعة وأخدت شنطتها وخرجت من البيت جري ودموعها سابقاها
هند:- أنا بقيت في الشارع مبقاش ليا حد أنا اللي عملت في نفسي هو حذرني كتير أقرب منهم بس انا اللي مسمعتش الكلام
اذكروا الله
أيسل واقفة قدام المسجد ودموعها نازلة مبقتش عارفه تعمل اية ترجع لمرات أبوها عشان تبعها تاني وإلا تفضل في الشارع من كتر الضغط عليها داخت وهي بتقول:- ليا رب يحميني ليا رب ووقعت من طولها على الأرض
يتبع…
الحلقة السادسة عشر
الناس اتلمت عليها وودوها المستشفى
الدكتور دخلها الإستقبال وكشف عليها حاول يفوقها بكل الطرق لكن فشل
خرج وعلامات الخزي على وشة وقال:- للأسف دخلت في غيبوبة ويظهر إن السبب مش عضوي وأنه سبب نفسي مين فيكم جوزها
محدش رد عليه الدكتور استغرب وسال:- انتوا متعرفوهاش وإلا اية
الدكتور:- طب متعرفوش حد من أهلها ولا أي حاجه توصلهم ليها
