تكملة انا متجوزك عشان بنتي محتاجة ام بعد امها الله يرحمها
متخافيش يا سجي مفيش صوره من صورك هتتشال ولا حاجة في البيت اللي انتي اختارتية هيتغير هي هنا مش أقل من خدامة لـ بنتنا بس وكمل بعند إما بقي حساب موافقتها على الجواز فدا هيكون عسير معايا أوي
نام على السرير وأخد المخدة اللي عليها صوره سجي في حضنه بصلها كتير وباسها ونام وهو مهوس بيها
يتبع…
الحلقة الثانية
أيسل قعدت بصد@مة على السرير وقالت بغيظ: يعني مش كفاية حاططلي صورها في كل مكان في البيت لا وكمان في سقف الاوضة اللي هنام فيها بصت لنفسها بحسرة ودفنت وشها في المخدة وقعدت تعيط وتكتم عياطها في المخدة
تاني يوم الصبح صحيوا على صوت الباب بيرزع من تخبيك بني آدم
حسن اتنفض من على السرير وأيسل قامت مخضوضة وأثر العياط على وشها
حسن راح بسرعة يفتح الباب قابل أيسل شافها بلبس امبارح كشر في وشها وقال: ادخلي غيري هدومك دي مش ناقص وجع دماغ من حد وراح يفتح الباب
حسن: طيب يا اللي بتخبط الصبر اية قاعدين ورا الباب
فتح الباب لقي مرات أخوه قدامة وشايلة بنته اللي عمرها تلت شهور
حسن: في اية يا رشا براحة بترزعي كدا لية
رشا أدت ليه البنت وقالت: خد يخويا بنتك أهي أنا مش الخدامة بتاع جنابك المفروض تشكروني والله على إني سبتها معايا امبارح كمان خلي مراتك تربيها ولا تتصرفوا مع بعض لكن أنا خلاص لحد هنا دوري انتهي فوتك بعافية وسابتة وطلعت وهي بتبرطم: خدامة ابوكوا انا مش كفاية عليا مشاكلي هشيل همي وهم غيري لية
حسن دخل لقي أيسل غيرت هدومها لـ بجامة بيتي لكنها واسعة ومحتشمة ولابسة فوقها حجاب
حسن: خدي راحتك مش انتي اللي تأثيري فيا أنا مش هحب غير سجي
أيسل ببرود: أنا مرتاحة كدا ومدت اديها ليه وقالت هاتها هي إسمها أية
حسن:- إسمها رغد حسن اديها رغد اللي أول ما حست بايسل شيلاها بصت ليها بعيونها وبقت تلاغيها وتضحك
حسن استغرب بنته هي أول مره تعمل كدا
أيسل نسيت وجود حسن وبقت تلاعب رغد وهي بتقول: يختي سمالله الحارس الله انتي حبيبي انتي واخدتها ودخلت اوضيتها
—–
بعد شويه الباب خبط تاني دخلت ام حسن وقعدت
أيسل: منورانا والله يا ماما تشربي اية
