البارت 54 مكتوبة على اسمي لملك ابراهيم
مظلومة ومقولتيش حاجة ل آيات
هدير كانت متوتره من وقفتهم مع بعض وقالت بجمود اعتذارك مرفوض في حاجة تانيه!
وكانت لسه هتتحرك عشان تمشي لكن فارس وقفها وقال إستني انتي سيباني ورايحه فين يعني ايه اعتذاري مرفوض!! انا عرفت اني غلطان وجيتلك لحد بيتك عشان اعتذرلك ودلوقتي تقوليلى اعتذارك مرفوض!!
هدير اه اعتذارك مرفوض انا حره ايه هتخليني اقبل اعتذارك بالقوة!!
آيات كانت قاعدة السرير وسانده ضهرها ل ورا وبتفكر في عامر وهدير اول لما دخلت الغرفة عليها وقفلت الباب وقفت خلف الباب وهي سانده ضهرها عليه وبتبتسم بسعادة بعد اللي عملته مع فارس
هدير فاقت من شرودها وبصت ل آيات وقربت منها آيات حبيبتي انتي عامله ايه دلوقتي وحشتني
آيات بدهشة مالك يا هدير في ايه
هدير بخجل مفيش!
وبصت على الباب وقالت اصل فارس
آيات ضحكت وقالت اااه فارس قولي كده بقى
هدير بكسوف أقول ايه يا آيات انا جايه اطمن عليكي وبس
هدير بغيظ آيات انتي هتتسلي عليا!! انا جايه اطمن عليكي واقعد معاكي شويه وبعدين انتي ازاي متكلمنيش وتقوليلي انك جايه البلد لولا ان فارس قالي مكنتش هعرف
آيات بأبتسامة فارس تاني
هدير بغيظ يوووه يا آيات انتي عايزة ايه انا هقوم امشي
آيات خلاص اقعدي عموما انا مرجعتش البلد بمزاجي
آيات بصتلها وحكتلها كل اللي حصل معاها وقاطع كلامهم رنة تليفونها برقم عامر
آيات بصت على تليفونها وقالت بغيظ شوفتي اهو كل شويه يتصل كده بس انا مش هرد برضه
هدير بنبرة مرحة طب ما تقفلي التليفون لو مش عايزة تكلميه!
آيات بتوتر لا مش هقفل تليفوني وسيبيه يتصل كده وانا مش هرد برضه
عند عامر كان في غرفة المكتب داخل الفيلا بتاعه
اتنهد بتعب وهو بيحاول الاتصال علي آيات اكتر من مرة وبدون رد
همس بصوت مسموع وهو بينهي الاتصال عنيدة!!!
الباب خبط ودخل واحد من الحرس بتوعه ووقف قدامه وقال مساء الخير يا باشمهندس
عامر مساء الخير يا سامح أتفضل قولي عملت إيه
عامر بصله باهتمام وقال جبتلي كل المعلومات عنه
رد سامح وهو بيفتح ملف في ايديه اسمه الطوخي الدمنهوري تاجر بس على قده كده انما شغله الأساسي في البلطجة واي حد له مصلحة او له تار هو بيخلصه والرجاله إللي عنده كلهم سوابق
عامر هز راسه بالايجاب وقال والرجاله اللي انا طلبتهم جاهزين
سامح بكره بالكتير هيبقوا جاهزين يا باشمهندس بس انا عندي سؤال ل حضرتك إزاي حضرتك عرفت ان في غدر هيحصل وطلبت اننا
