ماما انا فقدت عذر'يتى تابع للنهاية

هند... شبكت صفا وظليت ابجي لا صفاوي حبيبي لاتحجين هيج نتي كل الخير هذا امر الله هو هيج رايد وقاسملنه وبعدين اني امج وابوج واذا تحتاجين اي شي تجين تكليلي وظليت ابوس واحظنه الى ان هدءت صفا وكامت توضت وصلت

واني ظليت افكر بكلامه حيل ونقهرت كولش عليه الا ان قررت اروح لابويه واحجي وياه

ورحت لبابا وحجيت وياه عن حاله صفا وشنو صاير وياها ومقهوره وطلبت منه يروح يمه ويحجي وياها ويحسسها بحنانه وعطفه وحبه وطلبت منه صور ماما. كتله بابا اريد صور امي نريد نشوفها وفعلا ابويه اعطاني صوره امي وشفته لامي

مااكلكم عن جمال امي

يتبع.....فقدت عذريتها

الجزء 5

اخذت الصوره ودخلت لغرفتي وقفلة لباب وشفت امي وأول مره بحياتي اشوفه لامي واباوع على شكلها وملامحها عيونها عسليه وكبار ورموشه كثيفه شعرها اسود وسرح وحيل طويل هي بيضه وجه دائري وعدها فرك بأسنانه حيل حلوه تأثرت حيل بيه

كمت ابجي واحجي ويه الصوره

ماما ماما حبيبتي مشتاقتلج هوايه ماما دسمعيني ليش هيج يمه عفتيني ورحتي اني محتاجتج بهذا العمر يمه محد عندي يوم لج صفا مشتاقتلج حيل وتبچي عليج ودائمآ تذكرج لج يمه حتى الحيوانات عدها امهات وانتي عفتينه يوم تعالي تعالي اريد احضنج اريد اشتمج يمه محتاجتج اني ضايعه من دونج ابويه عافنه وراح وبيت جدي كل واحد ملتهي بنفسه واني محد يطيني حنان ولا حب لج يمه من بعدج الناس تعطف عليه يمه محتاجه حب وين اروح ادوره بالشارع وظليت على هذا الحال ابجي واحجي ويه الصوره الى ان فحطت من البجي وضميت صوره امي لصدري ونمت مااحس بنفسي بعد

بعدها كعدت على صوت اختي صفا هند هند هنوده ديله ياعيني كومي اذن المغرب كومي صلي موزين نايمه للمغرب

كعدت من النوم وصفا شافت الصوره بأيديه لج هند هذا منو الي بالصوره وليش هيج ضايجه شبيج

صفاووي هذه صوره ماما

صفا شافته وضمته لصدرها وكامت تبجي من كل قلبها وكمت حضنته وظلينه نبجي اني وياها وبعدها سمعنا صوت بيبي دصيح علينا ننزل نصلي

ورحنا وصلينه وصبوا عشا واجه بابا على العشا وتعشى ويانه وبعد العشا اخذني اني واختي بره بالحديقه وظل يسولف هو يحبنه وماعنده غيرنه واني ملتهي بالشغل والبيت وبعدها ظل يتكلم عن امي وقام يوصيني اني واختي نذكر امي بصلاتنه ولازم نقراله الفاتحه ونختم القرأن حتى الله يغفرله ويسامحه وهمات حتى الله يرضى علينه

وحجالنه امي شلون كانت ادميه وحبابه ومطيعه وشكد هو يحبه وماناسيه ويتكلم عن المواقف الحلوة والايام الي عاشه مع امي

وظل يوصينه ان ندير بالنه على نفسنه ونحافظ على نفسه ولازم منحجي مع اي احد غريب وندير بالنه على دراستنه واني واختي كنا نستمع لبابا وكلامه الحلو عن امي وشلون كان ينصحنه

وفرحت اني وحسيت صفا همات ارتاحت وبعدها صار ليل وابوي صار لازم يروح لبيتهم ف انطاني مصرف اني وصفا وبوسنه وراح

ودخلنه البيت اني وصفا ومرتاحين نفسيآ وصعدنه لغرفتنه وفرحانين لانه بابا اذكرنه وحسه بينه

صفا... هند شبيج تبتسمين

هند...فرحانه لان ابويه اجه يمنا وحس بينه

صفا...انتي لعد شكد فطيره بسرعه تتقشمرين لج ابوج لا بحالنه ولا يحبنه تلكينه بيبي مرزلته وحاجيه عليه واجه سأل علينه