تكملة قصة نيرة وائل
كان ممكن تقول لأمير وهو كان هيحميك.... لكن ازاي يهون عليك صاحبك ازاي تعمل فيه كدا
_ انا مكنتش عايز اعمل كدا والله ما كنت عايز
انا خۏفت... مكنتش عارف اتصرف ازاي وقتها
_ انت اناني واهم حاجه عندك نفسك
_ صدقيني مكنتش اعرف ان الامور هتوصل لكدا
معرفش ان امير هيتأذى للدرجادي... خديجة امير عايز ينتقم مني
_ انا مكنتش ليك أصلا عشان ياخدني منك
_ انتي بتعملي فيا كدا ليه
_ طارق اللي يخون مرة يخون الف و انا مستحيل اوثق فيك تاني
خلاص انتهت
كنت لسه همشي لقيت واحدة بتوقفني
و كانت نفس البنت اللي فاكراها مرات طارق
_ انتي بقا خديجة
بصتلها باستغراب وانا بهز راسي
_ ياسمين انتي بتعملي ايه هنا امشي
قالها طارق بعصبية وتوتر
_ انتي مين
_ انا طليقته و ام ابنه....تعرفي انك سبب خړاب بيتي
البيه كان لسه بيحبك حتى بعد ما اتجوزني
انتي سبب تعاستي يا خديجة
_ ياسمين اخرسي بقولك
كلامها كان صدمة بالنسبالي
عمري ما اتخيلت اني ممكن اكون سبب في تعاسة حد
و طارق... طارق كان بيكدب عليا تاني
_ كان دايما نفسي اشوفك و طلعتي جميله و تستاهلي فعلا
انا عارفه انك ملكيش ذنب بس انا مش بكره في حياتي قدك
اخد شنطتي و مشيت مقدرتش ارد عليها كنت حاسه اني بحلم
مش عارفه لحد امتى هفضل اټصدم في اللي حواليا
نزلت لقيت امير واقف قدام عربيته مستنيني
_ انتي كويسه
هزيت راسي بنفي
_ اركبي
ركبت من غير ما اتكلم
فضل يلف بالعربية من غير ما حد فينا يقول كلمه
لحد ما قررت اقطع الصمت دا
_ انت بتقرب مني عند في طارق صح
_ كنت عارف انه طارق هيقولك كدا بس مكنتش عارف انك هتصدقيه بالسهولة دي
_ انا خاېفة..... انت الوحيد اللي كنت بحس بالامان معاه مكنتش عايزة اخاڤ منك
_ مش هقولك اني مستحيل أذيكي
والاسطوانة المهروسة دي
بس انتي حاسة اني ممكن اعمل كدا يعني صدقتي اللي طارق قاله عليا
بصيت في الارض وسكت مكنتش عارفه اقول ايه
انا
