سكريبت " هاجر وزين "
_طب اهدي بس
_أنا هادية أهو يا طنط هدخل ادور بس
_طب اقعدي على الكرسي الأول
_مش وقته يا طنط
_بقولك اقعدي
_حاضر
قعدت وهي مشيت وسابتني وأنا شغالة افرك على الكرسي خلاص أنا عرفت أنا مين يعني هرجع لأهلي وكل حاجة هتتحل خلاص كل اللي جي سهل الحمد لله الحمد لله
_أشربي الماية الأول وخدي نفس وبعدين هنقوم ندور سوى
بصتلها بأمتنان:
_شكرًا
_مش هرد عليكِ يا هاجر ده أنتِ زي بنتي وزين
ابتسمت ليها وشربت الماية وقومت عشان ندور، فضلنا نص ساعة ندور لحد ما لقيت ورق
_أنا لقيت الورق ده
_معرفش
بصيت على الورق ده يبقى السي في بتاعي
_ده السي في بتاعي أنا اسمي هاجر حسن القاضي وخريجة ألسن ألماني ومعايا لغة فرنسية وتركية وأنجليزية
_اللهم بارك ده أنتِ طلعتي قمورة وشاطرة كمان، هو إيه البوكس ده؟
لقيتها بتديني بوكس مقفول بقفل لونه أبيض في أزرق وعليه عروسة ووراها ورد ومكتوب على ظهره نوت بوك
_ده مش بوكس دي نوتة ومش هعرف افتحها من غير ما افتح القفل يعني مش مهمة
_طب خلاص تعالي نغرف وزين هيجي ياكل ونلبس وهننزل الساعة ٦ نروح نعملك إشاعة ونطلع على الدكتور وخير إن شاء الله
_خدي يا هاجر دي شنطتك
_هاجر! أنتَ عرفت اسمي منين
_من البطاقة وأنتِ؟
_من حلم
_حلم!
قعدت على الكرسي وحكتله على موضوع الحلم والسي في بتاعي
_طب الحمد لله أبتدينا نعرف عنك شوية حاجات، أنا بقى يا ستي روحت الصبح عند محطة القطر واعرف واحد معرفة هناك، خليته يجيب الكاميرات وكانت الدنيا زاحمة ووسط الزحمة دي حد زقك وق .ع تي على راسك والشنطة بتاعتك اتحدفت بعيد لما الناس أتل .موا عليكِ، وبعدين أتحطت عند صندوق المفقودات، وكلمت الدكتور وحكيت ليه وطلب أشاعة على المخ ناكل وننزل نعملها، اتفضلي شنطتك أهي، أنا ملقتش التليفون فيها تقريبًا ضاع وتلاقي أهلك قلقانين عليكِ
اتكلمت بيأس:
