ياختاااااااااااااااااي ه-كر تليفوني اته-كر
يوسف / مش عارف شايفه نفسها على ايه نازله طلبات طلبات ولو قولت لأ مره ترمي الدبله في وشي
عاوزه عربيه يا يوسف ويجيب يوسف
عاوزه ڤيلا في كمبوند يا يوسف يجيب يوسف
عارف يا رسلان أنا مش مستوعب ازاي كنت معمي عن كمية الأستغلال دي كانت بعداني عن أمي وأبويا وعن الكل وبتكرهني فيهم كلهم لما اديتني الدبله أول امبارح عشان أنا مرضتش أجيبلها أيفون بدل اللي اتسرق منها لأنه أصلاً متسرقش هي اديته لاخوها وعاوزاني أجيبلها غيره رفضت رمتلي الدبله مفكراني هجري وراها كالعاده بس أنا فوقت وحاسس اني فوقت متأخر
رسلان / مفيش حاجه اسمها فوقت متأخر بما إنك فوقت قبل ماتتجوزها ويكون بينكم عيال تتبهدل يبقى انت فوقت في معادك يا يوسف
يوسف / ربنا ييسر الحال يارب بس المزه اللي فوق دي عجبتني
رسلان / ربنا يهديك يلا عشان نروح
ركبوا العربيه ورسلان وصل يوسف عند عربيته وروح هو لقى علي وغرام قاعدين في البوابه وفاتحينها
رسلان / ايه ده أومال الجماعه فين
علي / راحوا يقعدوا على البحر شويه
غرام / معلش يا رسلان ممكن سؤال رزل سيكا
رسلان باستغراب / اسألي
غرام / هو انت تعرف عاكف منين
رسلان / انتي اللي تعرفيه منين
غرام / عاكف يبقى أخو روان صاحبتي اللي كانت عامله حادثه وكنت عاوزه أروح أشوفها
رسلان بغض.ب وتسرع / عاكف اللي كان متقدملك
علي بصله بصدم#مه / أيوه هو فيه حاجه مزعلاك يا رسلان
رسلان بغض.ب بيحاول يداريه وعيونه بدأت تسود / لأ ولا زعل ولا حاجه عن اذنكم عاوز أنام
علي باستغراب / بس احنا المغرب لسه
رسلان / معلش عندي شغل بدري عن اذنكم
وطلع رسلان قعد في أوضته شويه والجماعه جم والكل دخل نام
رواية غرام تركي الفصل التاسع عشر 19 بقلم لؤلؤه محمد
تاني يوم كانت الساعه 2 بعد الضهر
رسلان / تيجي يا علي نطلع نقعد في الإستراحة اللي على السطح شويه
علي / طب اسبقني على أما أعمل مكالمه وجاي
رسلان / ماشي وطلع على السطح بس أول ماوصل لأخر سلمه في السطح وكان السور مداريه سمع غرام بتتكلم في الفون
غرام / طب وهو عرف منين .......... أيوه صح أكيد ........... تمام هاجي أنا وعلي بإذن الله ....... أيوه طبعاً معرفش أمشي من غيره ....... تمام اتفقنا في نفس المكان بقى سلام
بتلف لقت رسلان في وشها شهقت جامد بخضه وصدم#مه / سلامٌ قولٌ من رب رحيم انت بتطلع امتى يا جدع انت
رسلان وهو بيضيق عيونه / انتي كنتي بتكلمي مين يا غرام
غرام بغض.ب / جرا ايه يا جدع انت هتشتغلني والا ايه بأي صفه بتحقق معايا راحه فين وجايه منين وكنتي فين وبتكلمي مين ايه لعب العيال ده ابعد من وشي وزقته ونزلت تحت
رسلان / بقى كده طب تمام يا غرام ونزل وراها هو كمان كان والده ووالد غرام قاعدين في البوابه نزل قعد جنبهم / لو سمحت ياعمي
أحمد / اتفضل يابني
رسلان / أنا طالب ايد غرام
سيردار / طالبها تعمل بيها ايه
رسلان / يعني هكون أعمل بيها ايه يعني عاوز أتجوزها بحبها بحبها بحبهااااااااا
أحمد بغض.ب / ماتتلم يالا
رسلان بنفاذ صبر/ خلاص جوزهالي
أحمد / أشوف رأيها الأول
رسلان / قدامك تلات ساعات تاخد رأيها
سيردار وأحمد بصوله بصدم#مه
رسلان / والله أخطفها وانتوا حرين
أحمد / ماتشوف ابنك يا سيردار باينه اتهبل
سيردار / اطلع لأمك ترقيك يا حبيبي
رسلان بغض.ب / ترقيني ايه واتهبلت ايه قدامكم تلات ساعات لو محددتوش الفرح هخطفها وسابهم وطلع ساق عربيته وهو مش عارف يروح فين فوقف في أخر الشارع شايف بوابة البيت بس اللي يخرج ميشوفوش
شويه ولاحظ خروج غرام هي وعلي وهما بيتكلموا مع بعض وركبوا عربية علي ورسلان طلع وراهم
علي / طب وبعدين هنعمل ايه لو عرف
غرام / مفيش حاجه اسمها لو مينفعش يعرف
علي / ليه مينفعش ليه
غرام وهي بتبص على الطريق بشرود / لأني بحبه
علي / اه على فكره بابا قالي إنه طلبك للجواز
غرام بصتله بصدم#مه وفرحه اتحولت لحزن / مينفعش
علي بصلها باستغراب / ليه مينفعش انتي بتحبيه وهو بيحبك
غرام / سري واقف بينا يا علي
علي / طب وليه الغموض ده يا غرام الحياه الزوجيه لازم تتبنى على الصراحه الحياه اللي بتتبني على كذب زي البيت اللي من غير عمدان وصاحبه عمال يبني في أدوار ونسي إنه مهما علي البيت مسيره في يوم هيقع
غرام / وعشان كده بقولك مينفعش
علي / طب ماتعرفيه
غرام / ممكن يرفض
