رواية جبروت اسمه (اختي) كامل
عدى اليوم وأنا قاعده وحدي طلعت أريح شويه، بس تفكيرى ولا بالى هدى أبدا من إل بيحصل حواليا مش قادره أفسره، احمد بيعمل كدا ليه !!؟ وليه قلب على إبتسام فجأه كدا وإيه إل إحنا سمعناه فى المطبخ دماغى وجعتني من التفكير لغايه ما غفيت وفقت وقمت على بكاء حنين بس حمدت ربنا إن صوتها صحانى لأنى كنت بستنجد بأي حد فى الحلم،
كان عباره عن واحده بمنظر مش قادره اوصفه وعماله تشد فيا ووانا من شكلها وكل مااجرى منها أقع تانى وتمسكنى،
قمت على أذان الفجر بالظبط قمت وكلت حنين وصليت لعل وعسي إل بيحصلى دا يهدى شويه، وطلعت تلفونى أشوف رسايل جاتنى ولا لأ..\
تراجعت على اخر لحظه وإفتكرت كلمه احمد وهو بيقولى إبعدى عنها، بس أنا مش هيهدالى بال أما أعرف السبب انا هرن وخلاص
وهفهم حصل إيه من رده فعلها فضلت ارن أرن غير متاح قلت أكيد قفلاها وزمانها، قمت نزلت عند حماتي وفضلنا نتكلم شويه وإتغدينا وقعدنا قدام التلفزيون، حماتي بتقولى احمد عامل معاكى إيه،
ضحكت وقولتلها كويس والله يا طنط ربنا يخليهولنا، جات لقطه على الشاشه وال كان عباره إن في واحده رايحه لشيخ وبنتها معاها بس البنت شكلها مريب انا إتخضيت فى الاول بس الموضوع شدنى إنى أكمل،
الشيخ قالها إن البنت مله من جن عاشق، ودا مش بيطلع بسهوله وممكن يأذى اي حد يفكر يقربلها او يتجوزها، بصيت لحماتي لقيتها منسجمه اووى للتلفزيون قمت ضاحكه وقلتلها إنتى بتصدقى فى الحاجات دى ولا إيه !؟ قالتلى اومال يا بنيتى الجن مذكور فى القران وحدانا فى البلد شوفت حالات من دى كتير،
قولتلها اكيد تخاريف إزاى حاجه مش موجوده تقدر تأذينا، قالتلى تأذينا وتأذى غيرنا كمان مقتنعتش بكلامها وطلعت فوق برن على احمد لقيته غير متاح
.
