- ايه يحلاوة مش ترفعى النقاب دا عايزين نشوف القمر

 فارس خلص لبس وخرج يستناها فى الصالة

فارس: يلا يا حور لسه هنفطر

حور خرجت وهى لابسة زى المدرسة وكانت منزلة النقاب

حور بضيق: امتى تتوب عليا بقى يا رب من بدلة الإعدام.. دى واروح الكلية

فارس بضحك: تعالى يا هبلة.. عشان تاكلى

خلصوا اكل رفعت حور النقاب

حور: يلا انا جاهزة 

قرب منها بصتله بخجل من تحت النقاب رفع النقاب شوية من عند عينيها بصلها بتوهان فى عيونها الرمادى ورموشها الكثيفة

فارس بهمس وغيرة: مفيش حاجه تحطيها على عينكى انا مش عايزاها تبان

حور: هو فيه بس انا عينى بتزغلل عشان الانيميا فهدوخ كدا وهتعب 

فارس: تمام يلا عشان منتأخرش

  وصلوا المدرسة جيه وقت الفسحة حور كانت لسه هتنزل بس جتلاها مسدج على فونها من فارس

" انا مشيت يا حورى خدى بالك من نفسك وروحى على طول متروحيش فى حتة بعد المدرسة انا عارفك لو سابنكى مش هتروحى غير بعد نص الليل " 

بصيت للمسدج وابتسمت

هنا بغمزة: اللى واخد عقلك يا ست حور 

حور: اسكتى يا هنا على اللى حصلى

هنا: ايه 

حور: دا موضوع كبير هبقى احكيلك بعدين المهم عملتوا ايه مع مستر الكميا

هنا: وافق على المجموعة بس هتبقى خاصة يعنى فى بيت حد فينا

حور: يلهوى يا هنا انتى عارفه ان ابيه مانعنى اروح عند حد مقلتولوش يخليها مجموعات تقوية فى المدرسة ليه 

هنا: والله يا حور ما وافق وبعدين المشكلة دى بسيطه

حور: مش فاهمكى

هنا: يعنى احنا عندنا مشكلة اكبر بكتير هتخلى مستر فارس ميوفقش تيجى معانا نهائى 

حور بقلق: ايه هى 

 رواية جنون الحب الفصل العاشر 10 بقلم يارا عبدالعزيز 

 حور بقلق..: قلقتنى.. فيه ايه

هنا: الصراحة يعنى هيثم هيبقى معانا فى المجموعة

حور: ايه انتى بتهزرى صح دا اللى هو ازاى يا هنا قولى انك مش عايزنى اجاى صح

هنا: والله العظيم لا بس هيثم اصلا اللى اقنع مستر الكيميا يجى حتى المكان اللى هناخد فيه شقة ملكه هو مش بيته بس المكان بتاعه هو اللى ظبط كل حاجه ولولا هو مكنش المستر هيوافق اصلا واحنا كانا مضطرين نوافق عشان انتى عارفه اد ايه احنا محتاجين مستر على 

حور: طب انا اعمل ايه دلوقتي مش كفاية ان المجموعة خاصة كمان هيبقى فيها هيثم وهتبقى فى بيته احليها ازاى انا بقى ابيه اكيد مش هيوافق وش

هنا: مش لازم تقوليله ان المحموعة هيبقى فيها هيثم وبالنسبة أن المجموعة خاصة فمستر فارس مش بيرفضلك طلب واكيد هيوافق

حور بخوف..: ربنا يستر 

فضلت حور تفكر هتقنع فارس ازاى ملاقتش قدامها حل غير انها تروحله المستشفى وتتكلم معاه لانها عارفه انها لو اكتفت انها ترن عليه هيرفض ففضلت تروحله المستشفى

فى نهاية اليوم الدراسى

حور كانت واقفة بتشاور لتاكسى

هنا: مش هتركبى معانا

حور: لا هروح لى ابيه المستشفى هاخد تاكسى

جيه هيثم جانبهم هنا بصتله بحب كبير ولهفة وحور بصيت بغضب

هيثم بسخرية: هو المستر مش هيوصلك انهاردة ولا ايه مش عارف انا اصلا ايه لازمته يوصلك عارفنا ان انتوا جارنا مش اكتر يست حور يمنتقبة يملتزمة

كل اللى فى المدرسة مفكرين ان فارس وحور ساكنين فى نفس العمارة مش اكتر محدش يعرف انها بنت عمه غير هنا

حور اتجاهلته وبصيت لهنا اللى كانت واقفة مضايقة من اهمال هيثم ليها

هيثم: على فكرة انا ممكن اوصلك بعربيتى

حور: شكرًا مش عايزة منك انت بالذات اى مساعدة وياريت ملكش دعوة بيا تانى ولا عايز تجرب الع..لقة.. مرة تانية 

هيثم بغضب شديد: والله ل..هندمك وان..دمه.. وبكرة تشوفى عاملة فيها الش..ريفة عليا وانتى اصلا مق..ضيها معاه