_انا هتجوز .... قال الجملة وهو ينظر لها نظرات باردة
والدة احمد وهي تلوي شفتيها : هي كانت بتصوت ليه المرة دي
احمد: كنت بضربها
والدة احمد: احسن تستاهل عشان تبقي تطلب الطلاق بنت ****** دي سيبها كدهو ماحدش يعملها حاجة
اما في غرفة تلك المسكينه كيارا كانت ساقطة ارضا فدخلت اليها الدادة منال وهي تعمل بالبيت عندهم واسعفت كيارا حتي فاقت من تلك الحالة التي كانت فيها
كيارا بتعب شديد: روحي انتي يا دادة منال عشان ماحدش يكلمك
منال (الدادة) بحزن علي حالها وهي ترفع الغطاء عليها : يابنتي انتي تعبانه مش عايزة اسيبك مافيش حد هنا يهتم بيكي
كيارا وهي تفكر في شيئ: ماتخافيش عليا يادادة كلها يوم وامشي ممكن تجيبي تليفوني محتاجاه
منال باستغراب : لي يابنتي
كيارا بتعب : هصور جروحي هرفع عليه قضيه قبل ما الجروح تروح عشان مش هتبقي باينة اوي ساعت ما اروح ابلغ
منال وهي تاخذ الهاتف وتعطيه لها : خدي يابنتي
فتحت كيارا الكاميرا ثم اعطت الهاتف للدادة منال : لو سمحتي يادادة صوريني
التقطت لها الدادة منال بعض الصورة ثم خرجت قبل ان ياتي احد ويكشف امرها ثم اتصلت برقم والدتها واخبرتها عما حدث واخبرتها ان تاتي لتسعف
ابنتها او تاخذها من هذا الشخص وبعد مرور ربع ساعة وصلت والدة كيارا الي منزل احمد وهي تتوعد لهم
والدة كيارا: بنتي عملت. فيها اي تتشلو في ايديكو يابعدة حسبي الله ونعم الوكيل فيكو
احمد وهو ينظر لها ببرود شديد كعادته ١: اهي مرميه فوق اهي عايزاها خديها
والدة كيارا: حسبي الله ونعم الوكيل فيك انت وامك ربنا علي الظالم وذهبت الي ابنتها وأخذتها وذهبت بها من ذلك المنزل فهو كالسجن بالنسبة لها وركبو السيارة
كيارا : ماما انا هرفع قضية علي احمد ياماما
والدة كيارا بحزن : يابنتي مش عايزين مشاكل
كيارا: مشاكل اكتر من كدة انتي عايزة مشاكل تكتر من كدا
والدة كيارا: خلاص يابنتي اللي تشوفيه
