سكريبت بقلم سلسبيل محمود
بعد ثواني..
- ومفيش تصبحي علي خير
قفلت الفون وانا ببتسم تخيل شخص بيغير عليك وبيخاف عليك وبيهتم بيك وانت متعرفوش اصلا
شوية ولاقيته بعت مسدج ؟
- تصبحي على خير يا سولي
كمان عارف ان اسمي سلمي لا وبيقولي الدلع؟!
* تالت يوم*
- ذاكري كويس الإمتحانات قربت
* رابع يوم *
- عارف انك زعلانه لانك مش عارفه تذاكري كويس فات دقيقه وبعت صور كتير لمذكره وشرحها مرتب جد
- ذاكري من دول على ضمنتي وان شاء الله ربنا يوفقك
* يوم الامتحان *
- ادعلي قبل ما تبدئي وخدي بالك من نفسك
*بعد الامتحان*
- شوفتك وانتي مبسوطه اكيد عرفتس تحلي انا فخور بيكي جدا اشطر كتكوتة يسولي
- انا جمبك فى اي وقت
= مش هتعرفني انت مين طيب ولا بتشوفني ازاى
- فاضل حبه وهتعرفي كل حاجه
خامس يوم..
صحيت على مسدجات كتير !
1- اتقدملك عريس
2- والله عال اوي يا هانم
3- تعرفي لو قابلتيه
4- ولا تقعدي معاه حتي ولا تشوفيه
5- ارفضي رفض قاطع
6- ومتكليش من علبه الشوكلاته الي جابها
7- رجعهالو
8- خلي والدك يرجعها اوعي ترجعيها انتي
قريت كل دا وانا مصدومه عريس فين دا انا لسه صاحيه وهو عرف قبلي وكمان شوكولاته ؟
بصتلها بتوهان وخبيت الفون
- اتقدملك عريس زي القمر مرضتش اصحيكي بس عشان رجعتي من الامتحان تعبانه
= رافضه
اية ! الكلمه طلعت مني تلقائي!!!
- رافضه اية يعبيطه انتي دا شيك جدا وقمور وشغال مهندس
