تكملة ..المحاضره الجايه تيجو ومعاكو البحث
قاطعني وهو بيسقف بحماس لما شاف البيتزا:
-ايوه بقي
وراح قعد علي الكنبه وهو بيفتح العلبه وبدء ياكل ولا كأنه في بيت خالته !!
قربت منه وانا بهب*د رجلي بغي*ظ:
- البيتزا بتاعتي عااااا حرام عليك انا جعانه اي الطفاسه دي ؟!
- تعالي كلي معايا في كتير
رفعت حاجبي بذهول من بحاحته:
- بصراحه مشوفتش في بح*احتك
حط أيده علي صدره بأمتنان:
ض*رب*ت رجلي في الطربيزه وانا عامله نفسي امرأه قويه بس للاسف تقريبا كده والله اعلم رجلي اتك*سرت
اتكلمت بآلم حاولت اداريه:
- ل لو سمحت أخرج برا بيتي ميصحش كده الناس تقول اي
- اوووف طب حرام يا استاذ يونس
رفع رأسه وهو بيضحك بهدوء:
- طب ماشي هخرج بس بشرط
- ايه هو ؟!
- تيجي معايا
-امممم رحله قصيره هتاخد مسافه العمر يادوب
-لا ياعم الشاعر محتاجه وضوح اكتر من كده
ضحك بصوت عالي وهو بيتكلم من بين ضحكه:
- يعني بما أن مفيش حد يعرف غيرك أن انا رسام الليل فقولت استغل الفرصه واخدك معايا وانا برسم
صرخت بتلقائية:
- استحااااااله انت م*ج*نون
بلع اخر لقمه كانت في بوقه وشرب بعدها كوبايه البيبسي بتاعتي علي بوق واحد ورد بعدها:
- وماله كلنا مجان*ين
رديت بذهول:
- هار اس*ود انت خلصت الاكل بتاعي وكمان شربت كوبايه البيبسي بتاعتي
ادعي عليك بأيه كشفت راسي ودعيت عليك يا يونس يابن ام
- كريمه
قالها بابتسامه بارده وانا بصيتله وانا بجز علي اسناني بغي*ظ وبشاورله بأيدي علي الباب:
- بررررا
قام وقف مره واحده وقرب مني وانا تلقائي رجعت لورا:
- بصي بقي ياعسل انا لما بعوز اعمل حاجه بعملها وانا عايزك تيجي معايا وهتيجي معايا ديل !
فتحت بوقي بذهول ومره واحده شوحت بأيدي بعصبيه:
-انت عبي*ط واقع علي دماغك وانت صغير ؟!
قفل عينه نص قفله وهو بيفتكر بحيره:
- اممممم لا مفتكرش بس ليه
- بقولك اي متعصبنيش ويالا اتفضل أخرج من غير مطرود
- من غير مطرود ازاي مانتي بتطرديني اهو
- وده ملفتش نظرك لحاجه
