تابع قصة شمس الانصاري للنهاية
زهره. تاب سيبنا عشان نعرف نختار اللي احنا عايزينه وكمان الحاجات بتاع البنات
مصطفى. احم ماشي ياله هستناك عند الحسابات
زهره. نجمه ياله بينا
نجمه. هنروح فين
زهره. هنطلع من الباب الخلفي
نجمه. ياله يا زهره
الاتنين خرجوا من الباب الخلفي وبيجروا بسرعه فجأه زهره وقفت
نجمه. في ايه
زهره. الفلوس وقعت
نجمه. فين
زهره. اكيد في الاتيليه
نجمه. تاب هنرجع ولا نعمل ايه
زهره. استنيني هنا انا هاروح وهرجع على طول
نجمه. ماشي يا زهره
زهره مشيت بسرعه ناحيه الاتيليه ونجمه واقفه في نص الشارع بخوف وتوتر لأنها بتكر"ه الاختلاط من أشخاص متعرفهمش وبتعدي الطريق بين العربيات وبقيت تعيط
في عربيه شمس
شمس كان بيتكلم في الموبيل
شمس. زين عايزك تطلع على الشركه وتخلص الصفقه مع الشركاء عشان بعد كدا هنبقى مشغولين في موضوع الفرح دا كمان
زين. مالك شكلك متضايق دا انا قالت إن الموضوع بالنسبه ليك حاجه كويسه
شمس بضيق. دي بت ١٥
زين بوقا"حه. هو دا اللي مضايقك انا اعرف بنات في السن دا إنما ايه مز"ز
شمس. واد انت احترم نفسك
زين. يخوفي اللي اسمها زهره دي تطلع جعفر وانا اخد مقلب في الاخر
شمس بيبص على ملف على الكرسي اللي جانبه ومش مزكر فجأه سمع صوت صر"خه بنت داس على الفرامل ووقف العربيه بسرعه اخد نفسه بفزع ونزل من العربيه
بص لقى بنت واقعه على الأرض وماسكه رجليها وبتعيط
شمس. انتي كويسه
نجمه رفعت راسها شمس اتصدم من جمالها وعيونها اللي زي عيون القطط نزل لمستواها وهو مستغرب نفسه. انتي كويسه
نجمه مسحت دموعها وبتحاول تقوم بخوف منه
شمس بجديه وانتبه لنفسه. تحبي تروح المستشفى
زهره جيت بسرعه على اختها
زهره بحده. في ايه؟ انت مين؟ ونجمه بتعيط ليه؟ انت عملتلها ايه؟
نجمه بهدوء وماسكه في زهره بخوف. زهره انا اللي وقفت أدام العربيه
زهره بخوف. انا اسفه اني سيبتك والله اسفه
نجمه. ياله بينا يا زهره
شمس استغرب نجمه وخوفها. انا ممكن اوصلكم للمكان اللي انتم عايزنه
زهره. تشكر يا استاذ ياله طريق اخضر احنا هناخد تاكسي
شمس بص لنجمه وابتسم على شكلها وهي ماسكه في اختها لكن هي جميلة جدا انثي جميله وشكلها انيقه
