تكملة ..فتح الباب ولقا بنت بفستان فرح وشها مضر وب

انت في الصفحة 20 من 51 صفحات

السابق التالي

سامح اتصل بيامن وهو في العربيه /ايوة يا باشا

سامح/يامن… روح الحق فرح.. هي محتاجالك

يامن وقف العربيه مره وحده/بتقولي روح الحقها بعد ما دمرتها

سامح/صدقني كان غصب عني… روح الحقها بسرعة قبل ما عماد يعمل فيها حاجه… الحقها يا يامن

يامن طلع بسرعة على شقة عماد وبقا بيخبط بكل قوة عنده

عماد اتصدم من الي فرح عملته~يا مجنونه… اعمل فيها اي دي… هيقولوا انا الي مو تها

سمع صوت خبط علباب واتفزع قام بسرعة وبص م العين السحريه وشاف يامن

عماد بتوتر /اعمل اي… اعمل ايييي لو دخل وشافني… مش هترحم من ايده وكمان لو شاف فرح بالحالة دي….

يامن بزعيق/افتح يا جبان… افتح الباب

الباب مصفح.. ومش بيتفتح بقلم مريم الشهاوي الا بالمفتاح نزل تحت عند اوضة البواب الي كان معاه مفاتيح الشقق كلها بقا بيجرب في باب عماد مفتاح مفتاح لحد ما فتح معاه واحد يامن دخل بغضب /فرحح… فرحح انا جيت… متقلقيش… انت فين يا كل ب يا جبا ن

بص في الشقة يمين وشمال بس عماد مكانش موجود دخل جوا اوضة النوم واتصدم لما لقا فرح علسرير مربوطة من رجليها وايديها بتنز ف د م

يامن بوجع من حالتها صرخ /فرحح… مش هتمو تي يا فرح… مش هتمو تييي

فك الرباط بتاع رجليها وقومها بين ايديه/… فوقي فوقي…. فرححح

قطع حتة من الملاية ربطها على ايديها عشان توقف نز يف…وبيقول بلهفة وخضة/مش هتمو تي… مش هتمو تي

شالها بين ايديه الاتنين ونزل ومحطش في باله عماد فين يغور المهم فرح ميجرالهاش حاجه هو كان مشغول بيها حطها في العربيه وطلع علمستشفى علطول

عماد طلع من الاوضة السريه بتاعته وزق البرواز وخرج/انا مش عارف اشمعن فرح الي غلبتني كدا…

رن علمحامي/فلوسك وصلتلك…

المحامي ابتسم/وصلوا يا باشا… تتهنى بيها

قفل معاه ولقى سامح بيرن عليه

سامح بخوف/بناتي ارجوك سيبهم

عماد/مكنتش اتخيل الصراحة انك هتعدي الموضوع بالسرعة دي كويس اني دخلتك في الحكاية والا مكنتش عرفت اخد فرح من هناك بسهولة

سامح بوجع/سيب بناتي زي ما قلت… انا نفذت الي انت قولته سيب بناتي…..

عماد/الي انت متعرفوش ان فرح مع يامن واخدها من هنا مش هسيب بناتك الا لما تعرفلي يامن راح بفرح في انهي داهيه…. متقلقش عليهم انا هجبلهم واحدة كمان تونسهم

عماد قفل معاه وجاب شاش وقطنه ووقف نز يف راسه وبسرعة نزل على عربيته/ورانا مدرسه

راح عند مدرسة منى الي كان عندها امتحان وقدرت تقنع ابوها وامها بالعافيه انها تنزل

خرجت م الامتحان بتراجع مع اصحابها /ايوة صح عملتها b برضو الحمد لله يارب تعبنا مراحش علفاضي… هسيبكوا بقا عقبال بقيت الامتحانات سلام

حاولت تختصر المسافة عشان تروح بسرعة ومشيت في شارع بيعدي فيه العربيات كل سنه مرة ومفيهوش حد وحست بعربيه ماشيه وراها باقت بتمد بأقصى سرعتها ولما لاقت العربيه بتسرع جريت جريت بسرعة ومره واحدة العربيه سرعت جامد وسبقتها ووقفت قدامها

منى اتخضت وباقت بتاخد نفسها وبصت لصاحب العربيه ولقته عماد

عماد نزل م العربيه بسرعة واخدها من ايديها

منى /سيبني ونبي ونبي سيبني… والله انا اسفة… متمو تنيش… سيبني ارجوك

ركبها العربيه بالعافية وقفل البيبان وطلع بيها على…..

يامن قلبه بينبض بسرعة وبيقول بخوف /هتبقي كويسه

الممرضة~حالا هننقلها لاوضة العمليات

يامن /متستسلميش يا فرح…

دخلت فرح العمليات وهو وراها واقف علباب وباصص م الشباك دموعة نزلت وحط ايده على بوقه/مش هتمو تي مش… هسمح اني اخسرك… هتعيشي يا فرح هتعيشيي

مقدرش يشوفها بالحالة دي وقعد علكرسي حاطط راسه بين ايديه مش عارف يفكر… ليه كل دا بس… ليه يحصلها كل دا… هي ذنبها اي تقع في المشاكل دي كلها كان خايف يحصلها حاجه لو جرالها حاجه… لا لا… هو مش هيسمح يجرالها حاجه… يارب انقذها…

الدكتور خرج م العمليات /الحمد لله قدرت اتخطينا مرحلة الخطر

يامن اخيرا قدر يتفس /شكرا يا دكتور… ممكن ادخلها

الدكتور/اه اتفضل بس هي لسه مفاقتش

نقلوا فرح لاوضة ويامن دخلها ضربات قلبه متسارعة وهو بيقرب من سريرها حاسس ان حد منه في خطر البنت دي مش بنت عادية زي ما بيقولوا… هي امتلكت تفكيري وعقلي من ساعت ما شوفتها… سامحيني يا فرح لو كنت اذيتك في الكلام سامحيني اني سيبتك للحيو ان دا من تاني بقلم مريم الشهاوي

قرب من سريرها وقعد قدامها بيتأملها مسك ايدها الي جرحتها بالازازة / مش هخلي حد يقربلك تاني… ومش هطلب مساعده من حد… انا عارف هخدلك حقك ازاي… بس انت قومي.. قومي يا فرح… انت اقوى من كده…

فضل قاعد جمبها مستنيها تفوق وجاتله مكالمه من رقم غريب

يامن استغرب ورد/الو

/سلام عليكم

يامن/وعليكم السلام… مين

/انا هود اخو هشام

يامن ابتسم/اهلا يا هود عامل اي…

هود~انا الحمد لله… هشام كان حكالي عن بنت غريبة جاتلك بليل ومضر وبة من جوزها باين… تقدر تقولي تفاصيل عشان اعرف اساعدك

يامن ابتسم /محتاج محامي اثق فيه يا هود

هود /طبعا يا باشا دي جمايلك مغرقاني

يامن/طب تقدر تجيلي المستشفى بعنوان…..

هود/تمام ان شاء الله جاي… سلام

يامن قفل مع هود وحس ان فرح بتفوق