رواية فرصة ضائعة
الأصول إلى عاملتك بيها جزاة دخولى البيت من بابه !
قمر بعياط _ وياريتك ما دخلت ! كنت كنت صديق يا جاسر لية كدا ! دلوقتى مش هنبقى مش هنبقى أى حاجة !
كإن جاسر اټجنن من كلامها مسكها من إيدها بقسۏة و قال _ مش هنبقى أى حاجة ! واضح أنك متعرفنيش يا قمر أنا لما بعوز حاجة باخدها باخدها حتى لو كان التمن
قاطعتة قمر بحدة _ كراامتى
جاسر بإستغراب _ كرامتك
قمر سحبت إيدها بقوة ومسكت دموعها _ آه كرامتى لا يا أستاذ فوق بقى وإسمعنى أنا مستحيل هقبل جوازة بدافع الشفقة منك مش هو دا السبب برده !
بصلها بحنية _ يا قمر أنا ب قاطعة صوت تكة المفتاح فى الباب كانت ماجدة داخلة وفإيدها خضار
اتفاجأت بجاسر بصت لقمر لقت عيونها حمرة و ملامحها متذمرة طابع عليها الحزن
حطت الخضار براحة _ مالكو يا ولاد
قمر بحدة _ ولا حاجة كان جاسر لسة هيمشى قدامك اهوه ولفت وشها ببرود
جز على سنانة وشد على بوكية الورد فى إيدة
كانت قمر حاسة ببركان بيثور وراها لكن عملت نفسها من بنها
ونزل وعفاريت الدنيا كلها بتطنطت قدامة
أول ما ركب الاسانسير خبط إيدة فى المرايا جامد لدرجة انكسرت وقال پغضب _ ترفضينى أنا دا أنت معدش معاكى ورق تلعبى بية أنا ملاذك أنا منقذك أنا جاسر الهوارى إلى كان مجرد حد يبصله نظرة مش على هواة ياخد فيها روحه يتقالى لا ! ماشى أنا هكسر ثقتك دى !
_عند قمر_
ماجدة _ عايز يتجوزك !
قمر _ آه طلب إيدى
قمر _ رفضت طبعا
ماجدة _ لية !! ء أنا مقصدش حاجة يا بنتى لكن دا عملة نادرة فى زماننا جاسر دا
قمر _ وفى ظروفى مش كدا عمله نادرة ليا علشان كدا كان جاى حاطط فى بطنه بطيخة صيفى إنه مش هيترد مشوفتيش نظرة عيونه كانت كلها ثقة كلها غرور كإنى واحدة بشحت منه الستر و الحب وهو يعنى شفقان عليها مش عروسة
جاى ينول رضاها !
ماجدة _ طب أهدى يا بنتى بس
قمر بعصبية _ بس !
ماجدة _ يعنى بردة ممكن تكون فرحته الزايده صورتلك كدا
قمر پحده _ لا مش ممكن ! فية حاجات كدا مش شرط تتقال صراحة علشان تتعرف القلب يشوفها لكن العين متلحظهاش حتى !
ماجدة بلغبطة _ ي يعنى هتروحوا تعيشوا مع عمو جاسر !
مريم بدهشة _ بجد !! ط طب لو ماما مش راضية خلاص أنا اتجوز
عمو جاسر و هاخد ماما معايا بردة !
نفخت ماجدة بضيق وقالت لقمر _ شوفى خليتى بنتك تقول إية !
خدت الاكياس و دخلت المطبخ بنرفزة حطت قمر إيدها على وشها بتعب قربت مريم منها _ اتجوزى عمو جاسر يا ماما أنا بحبه أوى وعارفة أنك كمان بتحبية !
_بعد يوم_
خبط الباب لما قمر راحت تفتح اتفاجأت بناس كتير داخله بشنط واضح أنها غاليه
قمر _ انتو مين ! وإية الشنط دى !
شخص _ صاحب الشقة الاستاذ مروان الجزار طلب مننا ننقلة حاجتة هو والمدام علشان هينقلوا بكرة
قلب قمر إتقبض _ إية بكرة
هز راسة وخلص نقل الحاجة و نزل بسرعة مع الباقى
_بليل _
نامت قمر مع مريم وهى واخدها فى ها بتتخيل بكره إنها ممكن متكونش معاها بتتخيل مروان وهو بيشدها من إيدها بالڠصب و بيطردها
جسمها قشعر و دمعة فرت من عينها وهى بتتخيل مجرد تخيل
قامت من جنبها براحة وباستها على خدها طلعت موبايلها و اتصلت على جاسر و
يتبع
بقلمى
فرصة_ضائعة
قامت من جنبها براحة .. وباستها على خدها .. طلعت موبايلها و اتصلت على جاسر ..
جالها الرد متأخر .. ألو ..
فضلت ساكتة شوية .. عضت على شفايفها بتوتر .. وقالت جاسر أنا ..
جاسر .. إنت ..
خطفت الكلمة .. أنا موافقة ..
وقفلت الخط بسرعة وبعدت التلفون كأن فية تعبان هينط منه ! ..
مفيش دقيقة و التليفون رن تانى ..
لكنها مردتش .. قلبها كان بيدق پعنف .. مكنتش على أستعداد لمواجهه قرارها .. كإنها قرعت طبول الحړب ونزلت إستخبت فى جحر .. !
