اشبعي من بناتك...رووووعة جدا بقلم غرام

_اشبعي من بناتك
_كنت خارجه وانا معايا بناتي التوأم للي لسه مكملوش 3سنين وفجأه لمحت ست في الشارع بتقرأ الودع لقيتها قربت مني وهي بتقولي
_اشبعي من بناتك
_بصيتلها بصدم#مه وخوف وانا بقولها تقصدي اي
_اقصد ان واحده منهم هتفارقك
_ اي التخاريف للي انتي بتقوليها دي يا ست
_دي مش تخاريف للي مكتوب ع الجبين لازم تشوفه العين وانتي بناتك مش طبيعيين وجواهم طاقه وقوه غريبه وللي بيربطهم ببعض قوي جدا لازم هيتفرقوا وهييجي اليوم للي هيتجمعوا فيه بس
_بصيتلها وانا بقولها بس اي كملي
_للي مكتوب ع الجبين لازم تشوفه العين
_ارجوكي قوليلي بس اي. اي للي هيحصل تاني لبناتي

_للي مكتوب ع الجبين لازم تشوفه العين
قعدت تردد الجمله دي كتير وفجأه لقيتها اختفت اخدت بناتي في حضني وانا خايفه ومرعوبه عليهم روحت البيت وانا مش على بعضي قفلت كل البيبان والشبابيك وانا متوتره وخايفه رن جرس الباب الخوف دق في قلبي اخدت البنات في حضني وانا بقول بصوت في رعشه
_مين
_انا فاروق يا ساره ا فتحي عشان نسيت مفاتيجي
اتنهدت براحه انه فاروق جوزي قومت فتحتله وجريت عليه وانا خايفه
فاروق_مالك يا ساره في اي
قعدنا وحكيتله كل للي حصل
فاروق_انتي بتصدقي في التخاريف دي مفيش حاجه من دي هتحصل يا حبيبتي اتطمني
ساره_انا خايفه على البنات يا فاروق
فاروق_تخافي عليهم من اي بس ما هما معاكي وفي حضنك اهو وكمان متقلقيش يا ستي انا هزود الحراسه حاجه تانيه

رديت عليه بوهن
ساره_لا متشكره
عدى على الاحداث دي اكتر من سنه كنت نسيت كلام العرافه واتطمنت عشان عدى وقت ومحصلش حاجه. امبارح كان عيد ميلاد كيارا وديلارا وبكده بقا عندم4سنين
ساره_فاروق حبيبي انا هاخد البنات ونروح النادي
فاروق_ماشي يا حبيبتي بس خللوا بالكوا من نفسكوا وانا هجيلكوا على هناك نتغدى مع بعض
ساره_تمام يا حبيبي
اخدت البنات وروحت النادي وقابلت صحباتي هناك ومعاهم ولادهم الصغيرين كيارا وديلارا اتقابلوا مع اصحابهم وقعدوا يلعبوا في منطقه مخصصه للاطفال

كيارا زهقت من اللعب وراحت لمامتها
كيارا_مامي مامي انا جوعت
ساره_خلاص يا حبيبتي بابا جاي في الطريق وهناكل كلنا فين ديلارا
كيارا_معرفث في عمو كبير جه اخدها وقالها تعالي اجيبلك ثوكالاته وقولتله وانا كمان هاجي معاك قالي لا خليكي انا هجيبلك معاها ونيجي مش هنتأخر
ساره اتفزعت من الكلام للي سمعته من كيارا واتصلت ب فاروق
ساره_ انت فين يا فاروق بسرعه
فاروق_خلاص يا حبيبتي انا داخل عليكي اهو هركن العربيه وجاي
ساره_بعياط وصريخ الحقني يا فاروق ديلارا اتخطفت
فاروف_اي انتي بتقولي اي يا ساره انا جاي حالا
فاروق وصل وساره حكيتله ع للي حصل فاروق قلب النادي وراجع كاميرات المراقبه وشاف واحد واخد ديلارا وخارجين من النادي لكن لسوء الحظ مفيش حاجه من ملامحه كانت باينه فاروق قلب الدنيا والبوليس جه ولكن مفيش اي اثر ل ديلارا كانها فص ملح وداب
فوقت من شرودي على صوت فاروق وهو بيقولي
فاروق_ساره الناس تحت منتظراكي
ساره_دلوقتي بقا عندها 18سنه صح
اخدت نفس بقوه ووجع اب قلبه محر.وق على بنته وانا بقولها
فاروق_عدى على للي حصل 14سنه يا ساره وانا قلبت مصر كلها عليها لكن من غير فايده
دموعي نزلت وانا بقوله
ساره_وحشتني اوي يا فاروق
فاروق_خلاص يا حبيبتي حاولي تتماسكي وتنزلي للضيوف للي تحت وكيارا كمان مستنياكي النهارده هي تمت 18سنه
////////////////في مكان تاني في منطقه شعبيه من ضواحي القاهره
سمر_كل سنه وانتي طيبه يا قلب امك وعقبال مليون سنه