اتقدملي ظابط..... احببت محارب بقلم نشوة عادل
حمي شديده شكلها خدت دش سخن وخرجت في الهوا أنا أديتها حقنه تنزل الحراره شويه و هكتب ليها دوا تخده في الميعاد وشويه وهتفوق بس لازم تعمل كمادات طول الليل علشان دي هتساعد في تنزيل الحراره مع الدوا صبا كتبت الروشته واديتها لايمن وهو شكرها وامها قالت _ أنا هخش أعملها أكل تسند طولها بيه أصلها يا حبه عيني شكلها مكلتش حاجه
إم صبا _ لا مفيش تعب ولا حاجه يا بنتي دي ياسمين دي زي بنتي بظبط بس هو آنتي إسمك اية يا حبيبتي
ايمن بتوتر _ ها اسمي اسمي سوزان يا طنط سوزان
إن صبا بأبتسامه _ عاشت الاسامي يا حبيبتي بعد اذنك بقي هروح اعمل الاكل
ايمن _ اتفضلي يا طنط
أم صبا مشيت
وبقيت صبا مع ايمن _ أنا هخش أجيب ميه علشان أعملها كمادات
صبا بأبتسامه جميله _ لا مفيش تعب ولا حاجه ده واجبي ودخلت المطبخ
أيمن بص ناحيتها وسرح في ضحكتها _ يخربيت ام ضحكتك ايه القمر ده
ايمن فاق وبعدين قال _ احم احم ممكن معلش تخليكي معاها لحد مانزل اجيب ليها الدوا
صبا بأبتسامه جننت ايمن اكتر _ اكيد طبعا بس هتعرفي تلاقي صيدليه هنا
صبا برقه _ ماشي حبيبتي
ايمن جري علي تحت قبل ما ينهار قدام رقت صبا
وصل الصيدله
ايمن نسي انو لابس نقاب واتكلم بصوته الرجولي _ أنا عايز الدوا اللي في الروشته ده من فضلك
دكتور الصيدليه بصلة پصدمه من صوته واستغرب ايمن خد بالو وغير نبره صوته علطول
ايمن _ احم كح كح كح معلش كح كح زوري وجعني شويه معندكش حاجه للزور ونبي ينوبك ثواب وكمان جبلي الدوا إللي في الروشته ده
ايمن نفخ وهو بياخد نفسو _ اوف إللي أنا عملتو ده كنت هروح في داهيه بعد كده حط أيده علي النقاب پخنقه _ مش عارفه بيستحملوه إزاي ده حاجة قرف وفضل يشد فيه فجاه الدكتور طلع وايمن اتخض وعمل نفسو بيعدل النقاب
الدكتور بأبتسامه _ اتفضلي يا انسه هو حضرتك انسه ولا مدام
الدكتور بص علي جسمه إللي مليان عضلات _ بس حضرتك جسمك مش جسم ست أبدا
ايمن بتوتر _ آه منا بروح الجيم آتنين وخميس وملتزمه آوي زي الصيام كده
الدكتور بأستغراب _ طب حضرتك منقبة بتروحي جيم ليه
ايمن في سرو _ لا ده انت راجل رخم بقي رجع بعد كده قال بصوت انوثى _ عادي يا أخويا هو أنا علشان منقبة مش يبقي ليا نفس اروح الجيم ولا إيه حسابك كام بقي علشان البت إللي ھتموت فوق دي
الدكتور مسك الفيزا ودفع وبعد كده بص فيها _ هو مين ايمن ده حضرتك
ايمن _ ها ايمن ايمن جوزي جوزي
الدكتور _ جوزك إزاي يا فندم وحضرتك بتقولي أنك انسه
ايمن _ ها آه ماهو ماهو جوزي في الرضاعه بقي
الدكتور _ في الرضاعه إزاي يعني يا فندم
ايمن وهو بياخد منه الفيزا _ زي السكر في الشاي يا أخويا هات بقي وبعد كده خرج من الصيدليه
ايمن بضيق _ ابو اللي جابك دكتور غتت
وبعد كده طلع لشقه ياسمين لاقي صبا بتعملها كمادات
ايمن _ شكرا ليكي جدا يا دكتوره
صبا بأبتسامه _ الشكر لله أنا معملتش حاجه ده واجبي الحراره نزلت شويه الحمدالله أنا هستاذن بقي وهبقي اجي نص ساعة كده أنا وماما تكون فاقت علشان تاكل وتاخد الدوا وتخلي بالك منها ويستحسن إنك تباتي معاها ولا حضرتك عندك مانع علشان هي لازم تعمل كمادات بليل علشان الحراره تنزل خالص
ايمن _ لا لا ابدا حبيبتي هبات وهشيلها في عيني انتي متعرفيش هي غاليه عليا آوي
صبا _ ربنا يخليكو لبعض بعد اذنك بقي
ايمن _ اتفضلي صبا خرجت وقفلت الباب وراها
يونس فجأه ظهر وقال لأيمن _ الحب يا أمير
ايمن اتخض _ خضتني ياعم
يونس _ فوق يا باشا إحنا هنا في مهمه
ايمن _ مش عارف إللي حصلي يا يونس لما شوفتها حسيت بحاجه حلوه كده لما بس اتكلمت معايا
يونس _ ادعي ربنا انو ميكونش اللي في بالي علشان مينفعش خالص دلوقتي
ايمن _ ليه يعني مينفعش
يونس _ إنت ناسي الاڼتقام ولا إيه
ايمن _ سابها علي الله
يونس _ ونعم بالله وبعد كده قال بضحك _ بس شكلك وانت عامل صوت بنت كان ېموت من الضحك وضحك
ايمن بضحك وغمزه _ عجبتك صح
يونس بضحك _ جدا بصرآحه
ايمن _ لا هحكيلك علي حاجه حكاله علي موقف الصيدليه يونس فضل يضحك عليه وهو كمان كان بيضحك
يونس بضحك _ جوزي في الرضاعه ده إزاي ده
ايمن بضحك _ معرفش بقي انا لاقيت نفسي بقولو كده ده كان نازل اسأله ولا وكيل النيابة
يونس ضحك وبعد كده بطل ضحك وقال _ هتفوق أمته
ايمن _ بعد نص ساعه كده
يونس هز دماغه وفضل هو وايمن قاعدين مع بعض لحد ما ياسمين تفوق
ايمن ويونس فضلو مستنين ياسمين تصحي
ياسمين بخترفه _منك لله اللهي تولع
يونس وايمن بصو لبعض وبعدين بصولها تآني
ياسمين _ منك لله يا يونس اللهي تتشك في لسانك يابن صباح يارب خدلي حقي منو راجل لسانه فرقله
يونس اټصدم وبص لايمن شافه بيضحك عليه بس ضحك ايمن مكملش لما سمع كلام ياسمين
ياسمين _ وايمن ده راجل ياست نفخ علي الفاضي ده عيل سوسه ومش قد كلامو ده يوديك البحر ويرجعك عطشان آآآآآآه يارب تقع من علي السلم وإنت ماشي يابن أم معرفش أمك إسمها إيه منك لله أشوف مسحول سحله سودا
ايمن بص ليونس پصدمه وهو بيشاور على نفسه بمعنى ده أنا يونس بصله بضحكه وهز راسو فوق وتحت بمعنى آه
ايمن بص لياسمين بتوعد لما تفوق
كملت ياسمين _ وناصر يا رب ده بقي الراس الكبيره احړقو يارب اشويه اقليه حطو في الفرن اي حاجه بس انتقم منو بتاع الكبد والقوانص ده ربنا ينتقمك يا ناصر يابن ام ناصر يارب وانت نازل من سلم فيلتك تتزحلق تتكسر رقبتك وتخش جهنم بريس ويبقي صاحب البيت إللي طردني
ايمن پصدمه _ إيه ده دي جابت رجل كله البنت دي إيه يا خربيت لسانها
يونس پصدمه _ أنا كنت فاكر إنها طيبه ومش محترمه قصدي محترمه بس طلعت عكس كده خالص دي بټشتم فينا في أحلامها
ايمن بسخريه _ كلمه الحق بتظهر آوي وآحده يا شبح
يونس _ نستني بقي لما تصحي علشان تكلم الزفت
ايمن هز دماغه
بعد شويه ياسمين فاقت وقالت وهي حاطه أيديها دماغها _ آه هو إللي حصل
ايمن بصلها بتوعد
ياسمين پخوف _ هو إنت بتبصلي كده ليه وبعدين بصت ليونس _ هو بيبصلي كده ليه يا يونس لكن لاقت يونس بيبص ليها نفس بصه ايمن خاڤت
