تكملة قصة فيروز وفهد ( فيروز تلم هدوم اللى واقعة على الأرض)

دخلت فيروز تلم هدوم اللى واقعة على الأرض وفى فتاة شبه عار*ية نايمة على السرير وبتولع سيجا*رة وبتنفخ وهى بتبص بقرف لفيروز
و خرج من الحمام فهد وهو بيلف حوالين نفسه فوطة وبيبص برده بقرف لفيروز اللى بتنضف الاوضة
فهد: انتى غبية أنا كام مرة اقولك محدش يطلع الجناح عندى طالما معايا حد
فيروز وهى تخفض رأسها وتكلمه من خلف النقاب
فيروز: بعتذر لحضرتك بس الجناح بقاله يومين متنضفش وحضرتك مش بتحب تقعد فى مكان مش نضيف
فهد ببرود: غبية اطلعى بره
فيروز خرجت وهى بتحسبن فى سرها على فهد لانه شخص مغرور وانانى وش*ه*و*ان*ى مش بيفكر فى حد غير نفسه

فيروز نزلت المطبخ تحضر الفطار وتقعد تذاكر فى اوضتها لأنها ثانوية عامة
فهد نزل وكان يحتضن تلك الفتاة ونزلوا على السفرة واتقدملهم الفطار وبعدين فجأة فهد ش*د البنت من شعرها وطلعها بره القصر بشكل غريب ولكن ديه مش اول مرة هو كل بنت بيجبها بيعمل كده معاه ولكن محدش قادر يفسر تصرفه
فيروز بصت فى المراية على نفسها واد ايه هى جميلة وانها اصلا مش منقبة بس علشان عارفة أن فهد حد مش كويس بقيت تلبس دايما قدامه النقاب وتحاول تبعد عنه فى اى مكان لأنها محتاجة الشغل جدا وخصوصا انها بتصرف على نفسها واخواتها
كانت تنظر لنفسها بتأمل وفكت الطرحة وطلعت العنان لشعرها الأشقر الطويل الذى يغطى ضهرها بالكامل وبصت لملامحها الفاتنة والبريئة وفجأة حد خبط على باب اوضتها وكان فهد لأن مفيش خدم فى القصر غير فيروز وسفرجى وعامل للجنينة لأن فهد مش بيحب الخدم اصلا
فهد: انتى يا متخلفة
فيروز لبست النقاب بسرعة وفتحت الباب وجدت فهد عار*ى الصدر
فيروز: خير حضرتك
فهد: هو اللى يشغل واحدة غبية زيك يلاقى خير
فيروز فى سرها: لا اله الا الله
فهد: فين قميصى الابيض اللى بحبه
فيروز: حضرتك كنت رميه قولت اكيد محتاج يتغسل فى قميص ابيض تانى اكيد فوق
فهد: أنا عارف بس أنا عايز ده مش غيره
فيروز: يعنى حضرتك اعمل ايه دلوقتى
فهد: انتى بتردى عليا طيب تمام اوى كده خصم نص شهر

فيروز: حضرتك خصمتلى نص شهر برده الشهر اللى فات حرام ارجوك أنا عندى امتحانات وبصرف على اخواتى ممكن تخصمها من اى شهر تانى

فهد ببرود: لاء الشهر ده بتحديد وكلمة كمان هخصم شهر كامل
فيروز دخلت اوضتها تعيط وهى نفسها تن*تقم من فهد وهى مش طايقه وقررت تبدأ فى انتقامها
تانى يوم الصبح فيروز عملت الفطار عادى وحضرت كل حاجة زى ما فهد عايز وخرجت كأنها هتروح تجيب حاجات البيت ودخلت اوضتها لبست عادى لبسها الطبيعى وهى مش محجبة ولبست فستان وردى وفرضت شعرها على ضهرها وخرجت تمشى فى الجنينة كأنها أحد الجيران
فهد لاحظ فيروز ولكن ميعرفش مين ديه ولكن شكلها عجبه اوى
فهد: اقدر اساعدك بحاجة يا آنسة
فيروز وهى بتحاول تتكلم بصوت رقيق عكس طريقة كلمها الجد المعتادة عليها
فيروز: اصل قطتى لي لى خرجت من الفيلا وخايفة تكون بعدت بدور عليها
فهد: انتى جارتنا
فيروز: أيوة من قريب وجت تمشى
فهد: طيب لحظة تشربى حاجة نعمل واجب الضيافة النبى وصى على سابع جار
فيروز بصتله بقرف: لاء شكرا وجت تمشى فهد مسك ايديها بتلقائية
فيروز راحت ضر*بته قلم صدم فهد
فهد فجأة …
فيروز بخوف: فى ايه

 

يتبع…