تكملة رواية جميلة جدا انتي جايه اوضتي ليه؟ بتعملي اية
= عادي
- انتي ايدك لسه تعبانه ولا اية
= لاء
- خلاص يبقي هعدي عليكي الساعه 8 ونمشي سلام
مشي ومستناش ردي - شوفتي يا داده؟
= اسر طيب والله يا ليلي
- طيب اية دا طير نفوخي
= المهم انتي هتلبسي اية
- مش هاروح اصلا!
= هتسبيه يروح لوحده
- احسن
= الحفلات دي بتبقي مليانه بنات حلوين
- اية ! انا طالعه اجهز يا داده
لبست فستان لاول مره وكان لونه بينك وسيبت شعري وربطت حبه من قدام وكمان لبست هيلز وحطيت ميكب
بصيت لنفسي فى المرايا وانا بحاول اكتسب شوية ثقه في نفسي
- الو يا ليلي انتي جهزتي
= اها
- انا بره فالعربيه تعالي
= طيب
خت نفس كبير ومسكت شنتطي ونزلت
فتحت باب العربيه ودخلت وهوا مركز مع الفون لحد ما بصلي بلامباالا وبعدين بص تاني بزهول
- اية القمر ده؟
استغربت جدا = بجد شكلي حلو
- جميلة جدا
= شكرا
طلعنا بالعربيه وبعد دقايق كنا وصلنا فضلت مخضوضه من كم الناس انا عمري خرجت وسط العدد دا؟
- مالك؟
= في ناس كتير اوي؟
- تعالي نقعد شوية وبعد كدا نكمل في مكان تاني
= طيب
نزل وفتحلي الباب وكمان مسك ايدي واحنا داخلين ناس كتير سلمت عليه وباركتله على صفقه كسبها وعشانها اتعملت الحفله
- خليكي هنا شوية وجاي
- متتأخرش
= عيوني
بعد ما ماشي ابتسمت بهبل طريقته مختلفه معايا بدأت احبه شوية ولقيت واحده لابسه فشتان شبيه بقميص النوم وضهرها عريان ووشها كله ميكب بصتلي من فوق لتحت
- هو انتي ليلي مش كدا؟
= ايوا مين حضرتك
ضحكت ضحكه صفره = حضرتك، بقي انتي مرات اسر ؟ والله غريبه
- افندم !
كنت همشي بس وقفت قدامي = تعرفي ان عنده حق يبقي مش طايقك؟
- احترمي نفسك انتي مجنونه
= تؤ تؤ المجنونه دي الى تخلي واحد يتجوزها وهي عارفه انه عمل كدا عشان وصيه ومش بيحبها لو كان عندك كرامه مكنتش قبلتي ب دا بعد اذنك
الكلام وقف ومعرفتش ارد عليها دموعي نزلت بطريقه مش طبيعيه خرجت بره خالص وانا بعيط رجعت الفيلا بسرعه جدا وهوا فضل يرن عليا ومردتش طلعت على اوضتي وفضلت اخد هدومي بسرعه وبعشوائية وسحبت الشنطه ورايا ونازله والداده بتحاول توقفني وانا خارجه
لحد ما لاقيته عند الباب وباين عليه القلق - انتي كويسة!!
مردتش وكملت طريقي لحد ما مسك ايدي
= انتي رايحه فين وبتعيطي ليه !
- ورقه طلاقي تبقي عندي
= انتي اجننتي ؟
- ابعد عني
= مش هسيبك! فهميني
- بقولك سبني مش طيقاك
= طب اهدي حصل اية لكل دا
- ليه تعمل فيا كدا ليه تكلم عني مع حد ؟ وتشوه صورتي بالطريقه لو بتكرهني اوي كدا كنت سبتني احسن انا عمري مأذيتك
قرب ومسك كتفي عشان اقف - عشان خاطري استني انا مش فاهم منك حاجه صدقيني بس والله عمري ما فكرت اجرحك
= لو مش عايز تجرحني بجد ابعد عني وطلقني
- مش هقدر
= ووانا مش هقدر اقعد معاك مكملتش كلامي وحسيت بصداع رهيب ووقعت بين ايده
* بعد ساعات *
فتحت عيني لاقيته ساند راسه على السرير وقاعد على كرسي وماسك ايدي
لاحظ حركتي فا قام - انتي كويسة ؟ الدكتور قال انك ضغطك علي
= انا كويسة لو سمحت عايزه امشي
بصلي واتكلم بضعف ونبره اول مره اسمعها- ليلي
- ليلي انا والله ما عملت حاجه ليكي وحشه
= اسر لو سمحت
- على الاقل اشرحيلي
= مش عايزه
- حصل اية من حقي اعرف
= واحده جاتلي فالحفله وقالتلي انك بتكرهني متجوزني عشان وصيه جدو كنت فاكره اني هقدر اغير دا لما اعاملك كويس وهتتقبلني بس مقدرتش للاسف عشان كدا انا مش هفرض نفسي اكتر من كدا
- انتي اتجننتي ازاي تصدقيها
= امال عرفت منين بموضوع الوصيه
- مش عارف ولا عارف مين دي بس انا عمري ما هعمل حاجه غصب عني
= مش هتفرق
- ليلي انا بحبك!
بصتله وفي عيوني دموع شدني لحضنه - انا بحبك اوي متبعديش انتي كمان وتسبيني
مسكت في حضنه = انا مش عايزه اسيبك بس
- شششش متفكريش في اي كلام غير اني بحبك ومش هقدر اكمل من غيرك انا فى الاول كنت قافل قلبي ومقرر محبش لاني مش عايز اتعلق بحد ويبعد عني بس انتي غيرتي دا انا حبيتك انتي اتسللتي لاقلبي ومقدرتش امنعك..!!!♡
♡
" تسللت الي قلبي "❤
#روايات_واسكريبتات_مميزة
اسفه جدا على التأخير قولولي رايكم واتفاعلوا.🌚💜
الفصل قبل الاخير
الفصل السادس 6 بقلم نور احمد
- اسر اسر اسر اسر
= ايوا
- بتحبني
= اكيد بحبك
- انا بكرهك
= اية ده في اية!
- انا عايزه اعرف بقي انتي مجبتليش حاجه حلوة ليه؟؟
= مانا بجبلك كل يوم!
