أسيرة العشق بقلم منه مجدى
انجي كيف عانت وكيف ان مهنه التمثيل خلفها العديد والعديد من الاشياء البشعه وخصوصا للممثلات الجدد
انجي: انا مش عارفه اعمل ايه دلوقتي ولا اروح فين ولو روحت لبابا وجدو هيطردوني سامحني يااياد انا عارفه اني ۏجعتك كتير
اياد بكبرياء: بالعكس يا انجي انتي انقذتيني من غلطه كنت هوقع نفسي فيها ربنا من عليا بملك احسن حاجه في حياتي كلها
وقبل يدها
اما هي فكانت تسمع كلماته وجزأ صغير بداخلها يخبرها انه صادق ولكن الجزء الاكبر يخبرها انه يقول ذلك ليرضي غروره كرجل لكيلا يشعر انجي بانتصارها
ملك: ادخلي استريحي دلوقتي يا انجي وبعدين نتكلم في الموضوع دا
تحدثت انجي بنبرة بشوبهع برقه وانكسار المبالغ فيهم
انجي: ادخل يا اياد
اياد: دا بيت اختك يا انجي وانا اكيد مش همنعك منه
انجي: شكرا يااياد
نهضت انجي وسارت خطوتين ثم فقدت الوعي ذهبت اليها ملك مسرعه فحملها اياد ووضعها علي الفراش
وبعد وقت قليل استيقظت
ملك بابتسامة: مجرد شويه ارهاق متقلقيش
انجي: عادي مبقتش فارقه ياملك نفسي اموت بقي علشان استريح
ملك: حرام يا انجي متقوليش كده
ملك: ربنا بس بيختبر صبرك فمتقلقيش ياحبيبتي ربنا عمره ماهيعمل اي حاجه وحشه لعبده
انجي: حاضر
ملك: نامي انتي دلوقتي وبعدين نتكلم
انجي: تمام
تركتها وخرجت واغلقت خلفها الباب
فوجدته صامت ولكنه غاضب مثل البركان تماما فقررت ان تتركه والا تتحدث الان
فقد كانت خائفه كثيرا ان تستطع انجي في إماله قلبه ناحيتها مرة اخري ولن تستطيع ملك تحمل الالم في هذه المرة
اما اياد فذهب الي مكتبه
واخذ بيفكر في كل شئ
اياد : دلوقتي انجي وملك قدامك وليك حريه الاختيار ومع ظروف انجي تقدر تختارها بسهوله
اياد : بس انا متلخبط
اياد: وليه بقي ان شاء الله
اياد : مش عارف اهو متلخبط
اياد: انت متلخبط علشان انت اتعودت علي ملك
انتوا بقالكوا 6شهور سوا فدي حاجه طبيعيه
اياد : لا اياد انت حبيت ملك
والدليل علي كده الكلام اللي قولته لانجي
بس كل مشكلتك انك لسه فاكر
انك بتحب انجي
اياد: طيب وهعمل ايه دلوقتي
اياد : تاخد اللي قلبك عايزها
واعرف مادام حبيت تاني
يبقي مكنتش بتحب اولاني
كان مجرد اعجاب وانت فسرته غلط
اياد: يوه بقي
احنا نستني
و نسيبها بظروفها
اما ملك فظلت مستيقظه لم تستطع النوم من خۏفها مما سيحدث او من قرار اياد
ملك: ياتري هيختارك ولا هيختار انجي
ملك: هيختارك انتي ازايوانجي هي حبيبه عمره البنت اللي كان مختارها بكامل ارادته مش اللي اتفرضت عليه
اكيد طبعا مش هيختارك هيختار انجي
ملك: طيب والكلام اللي هو قاله
ملك : دا راجل يا ملك يعني قال كده علشان ميديش فرصه لانجي انها تحس انها كسرته او عاش تايه وضايع في بعدها مهو قالهالك قبل الجواز انه هيتجوزك علشان يرد القلم لانجي انتي اللي نسيتي نف وعيشتي الوهم وصدقتيه
ملك: طيب وهتعملي ايه بقي دلوقتي
ملك: احنا نستني ونسيبها بظروفها
وخلد الاثنان الي النوم واستيقظا فجرا
ادت ملك فريضتها واعدت الافطار
وبعد وقت قليل استيقظ اياد
وتناولا الطعام سويا
وذهبا ملك واياد الي عملهما
اما ملك فذهبت الي اميرة لكي تقص عليها ما حدث عسي ان تطمئنها
ملك: كنت لسه هكلمك
اميرة: في ايه
ملك: انجي في البيت
اميرة: ايه!!!!!!
ملك: انجي اختي في البيت
اميرة: لا دا انتي تقعدي كده وتفهميني
قصت عليها ملك كل اللي حصل
اميرة پغضب : انتي يابنتي انتي غبيه ولا هبله ولا بتستعبطي
ملك: ليه بس
اميرة: هو ايه اللي ليه
حد يحط البنزين جمب الڼار
ملك: مهو اكيد مش هسيب اختي يااميرة
داغير انها مش بتحب اياد فمش هتحاول تعمل معاه اي حاجه
اميرة: لا دا انتي غبيه
انجي مش من النوع اللي يسيب حاجه كانت في ايده
غير بمزاجه وبرضوا مش هتقعد كده فاضيه لازم تثبتلك وتثبت لنفسها ان الكورة لسه في ملعبها ان لسه ليها تاثير علي اياد
انها لسه لاعبه قويه وتقدر ببساطه توقع اياد من تاني
وانك معرفتيش ولا هتعرفي تحلي مكانهااسيرة العشق
الفصل الثاني عشر
ملك: يا اميرة دي اختي
اميرة: يابنتي الله يكرمك شغلي مخك شويهوبلاش سذاجتك دي
كل حاجه هتروح من ايدك الله يكرمك فوقي متسيبيهاش تاخد كل حاجه من ايدك
ملك: يعني اعمل ايه يااميرة
اميرة: ركزي في كل التفاصيل وفوقي لنفسك متسيبيهاش لوحدها مع اياد في البيت متديهاش فرصه تبقي معاه اصلا ركزي علشان هيا هتحاول تلفت نظره باي شكل
ملك: طيب حاضر
اميرة: ولو احتاجتي تدخل كلميني بس اعملي حسابك هتبقي مرة واحدة بس مش كل مرة علشان تعتمدي علي نفسك
لاني مش هبقي جمبك كل مرة
ملك: حاضر
ظلت ملك طوال اليوم تفكر في حديث اميرة
وبالفعل انتهت من عملها وعادت الي المنزل
