روايه عشق لمنال عباس
رايك
عشق الحقيقه انا وافقت بس انا مش عارفه انا كدا بتصرف صح ولا لا
دولى آبيه قاسم ..طيب ومحترم ..هو اه شديد شويه بس دا من خوفه علينا ..وان شاء الله تحبيه ويحبك ..
عشق أن شاء الله ...بس خاېفه لانه اوقات بيتصرف معايا بجفاء ..
دولى اقولك انتى جميله اووووى..واى حد يشوفك اكيد هيعجب بيكى..بس آبيه قاسم مش اى حد..حاولى تقربي منه ..
دولى ينفع احكيلك حاجه بما اننا بقينا أصحاب
عشق اه طبعا ..احكي احنا اصحاب واخوات
بدأت دولى تقص كل ما تشعر به تجاه عمر ..واعتراف عمر بالأمس بحبه لها ...
عشق بفرحه ما شاء الله ربنا يسعدك حبيبتي
دولى انا بحب عمر جدا من وانا طفله ...بس عندى مشكله وبدأت تبكى ...
دولى فى شاب كنت اعرفه من خلال النادى ..
والله يا عشق كنت بعامله كصديق ..مش اكتر ..
وفى يوم عزمنى على عيد ميلاده وعزم الشله كلها
روحت على المكان اللى عامل فيه الحفله ...
مالقيتش حد ..كان عامله فى عوامه على النيل ..
سألته اومال الناس فين ...قالى معلش اصل انا اتلغبطت فى اليوم ..دا مش النهارده ...واتصلت عليهم عرفتهم ونسيت اعرفك ..
ما عرفش ازاى جاب صور ليا واكيد عاملها ببرنامج مع صور تانيه ليا وانا معاه فى العوامه بحيث اللى يشوف الصور يفكر أن فى علاقه بينى وبينه ..وكل شويه يهددنى بالصور دى ...وانا خاېفه اعرف آبيه
عشق يا خبر الموضوع كدا مشكله كبيرة ..لازم نفكر فى حل ليها ...احسن كدا الأمور هتتعقد ...
بس اطمنى انا معاكى ومش هسيبك والشاب دا لازم ياخد جزاؤه ...
دولى وهى تحتضن عشق شكرا يا عشق ..انا ماكنش ليا حد احكيله..حاسه ان كلامى معاكى ريحنى ...
عشق وانا يا دولى ماليش حد ..وان شاء الله نكون سند لبعض ...
يمر الوقت ويعود قاسم من عمله ...
ومعه حقائب كثيرة
لمى ايه الحاجات دى يا بابي
قاسم دى لطنط عشق ...
لمى انا فرحانه اوووى يا بابي علشان طنط عشق هتكون مامى ...ابتسم قاسم لابنته وطلب من الخدم تجهيز الغداء ..وصعد إلى حجرته ..طرق الباب ..
فتح الباب ودخل
قاسم انا اشتريت ليكى الملابس دى ..وروحت الفيلا وحاسبت الخدم وقفلتها ودى المفاتيح ...
عشق شكرا ..بس دا كتير
قاسم فاضل يومين على الخميس ..ياريت تحاولى
تجهزى نفسك ..وشوفى لو حابه نغير حاجه هنا في اوضه النوم أو الالوان والاثاث فكرى وردى عليا ..
عشق مفيش داعى من التغيير ..انت بتقول الزواج شكلى ..هتفرق ايه بقي ..شعر قاسم بنبرة حزن فى صوتها ..أراد أن يسألها هل تريده زواجا حقيقيا وان تكون زوجته بالفعل ..ولكنه تراجع ..
قاسم هبعت ليكى الغدا هنا ..وتركها ونزل ..
قاسم شكلك هتجنيني يا عشق ...
مر اليومان واتى يوم الخميس حيث موعد عقد القران ل قاسم وعشق
يحضر قاسم الميك أب ارتيست الى الفيلا وتبدأ فى تجهيز عشق
كانت كالبدر فى تمامه فى فستانها الأبيض
قام قاسم بدعوة الأقارب والاصدقاء بالعمل ...
فى حفله صغيرة بالفيلا ...
عندما رآها قاسم وقف متسمرا من جمالها الأخاذ
وبدأ المأذون فى عقد القران ..بارك الله لكما وبارك عليكما وجمع بينكما على خير ...
شعر قاسم بفرحه فى قلبه ..بالرغم من أنه جواز صورى إلا أنها أصبحت الآن ملكه ....
جلس الجميع يهنئون العروسين
وفجأة دولى پخوف فقد رأت بالحفل .......
يتبع
عشق_لا_ينتهى
بقلم منال_عباس
عشق_لا_ينتهى بقلم منال_عباس
البارت التاسع
بعد أن تم عقد القران حيث أصبحت عشق زوجه ل قاسم ..شعر قاسم بفرحه فى قلبه .بالرغم من أن هذا الزواج صورى إلا أنها أصبحت الآن ملكه...جلس الجميع يهنئون العروسين ..
وفجأة دولى پخوف ...فقد رأت ذلك الشاب يقف على بعد ويبحث عنها ..إلى أن رآها ...
اشار اليها هذا الشاب للخروج إلى الجنينه
خرجت دولى إلى الجنينه وهى خائفه منه
سامر بتصل عليكى من امبارح ..لقيتك مش بتردى..قولت اجيلك بنفسي ...ولقيت الفرح الجميل دا ..وفرصه والكل موجود ..يشوفوا
