المتمرد والمنتقبه _ قصة كاملة
انت في الصفحة 1 من 7 صفحات
المتمرد والمنتقبه
زين
انا عايز افهم كلامي ما بيتسمعش ليه..
نور
ويتسمع ليه انا ما حدش يمشي كلامه عليا..
زين بعصبيه
تسمعي كلامي عشان انا جوزك يا هانم وما تخرجيش تاني من البيت غير بأذنب انتي مش متجوزه كيس جوافه...
نور بسخريه
كيس جوافه بس يا جدع قول قفص جوافه شجره...
_وقبل ما نبدأ حكايتنا اعرفكم علي بطلتنا النهارده واللي اسمها نور وعندها 25 سنه كانت متجوزها وجوزها راح ودلوقتي هي قاعده في بيت اهلها ومعاها ابنها اللي عمره شهرين..
عزت
صباح الخير يا حبيبة بابا عامله ايه..
نور
طلعان عيني يا بابا خد. حفيدك ده وسيبوني انام..
عزت ضحك وقال
معلش هما الاطفال في السن ده بيكونو متعبين شويه المهم زين كلمني هو ومامته...
نور. بضيق
امم بابا افهمني انا بحب جوزي الله يرحمه ومش هتجوز بعد منه تاني...
اسمعي يا نور ابنك ده محتاج اب في حياته وما فيش حد هيعرف يربيه ويبقي حنين عليه قد عمه..
نور
ما يربيه من غير ما يتجوزني ولا هي تلاكيك وانا مش هتجوز..
عزت
بطلي دماغك الناشفه دي واسمعيني جوزك هو اللي وصي اخوه انه يتجوزك ويربي هو ابنه قبل ما بعمل العمليه..
نور بضيق
بس انا مش هقدر اتجوز بعد حسام يا بابا مش هقدر اكون مع راجل غيره..
طيب قابلي الراجل واتكلمي معاه وشوفي هو عايزك في ايه وبعدين نبقي نتكلم..
_ سكتت نور ووافقت تقابل زين اللي جه بالليل وكانت قاعده قدامه بالنقاب وهو قالها..
زين
هو انا هتكلم معاكي ازاي بالبتاع ده..
نور
هتتكلم بلساانك هو البتاع ده كان ماسكه يعني..
زين
اللهم طولك يا روح انا قصدي عايز اشوف وشك..
ده لما تشوف قفاك ان شاء الله هبقي اخليك تشوف وشي..
زين
ايه اللسان ده يا عسل انتي بصي طيب..
نور
اديني باصه من الصبح انت اللي عمال تسف كهربا في كلام فاضي.
زين
عايز اتجوزك عشان ابن اخويا والوصيه وبس..
نور
ردي ساهل وبسيط ومش محتاج رغي كتير لا مش موافقه..
زين
اسمعي طيب دي وصية اخويا وانا لازم انفذها سواء انتي وافقتي او رفضتي مرات حسام وابنه هيبقو مسؤليتي انا..
وانا مش عايزه اتجوز وهعرف اشيل مسرليتي لوحدي..
وقف زين وقالها
اظن انتي عارفه كويس مين هو زين الدمنهوري..
نور
ااه عارفه المزواج اللي عنده 33 سنه ومتجوز سبع مرات ومطلق وفاكر ان مرات اخوه هتكون واحده من اللي اتجوزهم دول ومجرد رقم..
زين ابتسم وقال
ده انتي متابعه بقي طيب نتفق انا هتجوزك علي الورق عشان تقعدي في البيت وتربي ابنك من غير اي قيود وانا ابقي براحتي اتجوز اطلق اعمل اللي عايزه..
لا طبعا انا مش موافقه..
زين
هو انتي مش قولتي مش عايزه تتجوزي انا اهو بنفذلك اللي عايزااه مجرد ورقه مش هتخليكي تتجوزي وتجيبي راجل غريب لابنك وهتكوني في بيتي وابن اخويا تحت عيني ومش هنبقي متجوزين في البيت وانتي فاهمه..
نور بقلق
طيب هفكر وارد عليك..
زين قام وقال
انا مسافر باريس شهرين بالظبط تكوني فكرتي وارجع نكتب الكتاب..
_ قال كلامه ومشي وهي راحت اوضتها ومسكت صورة جوزها بعد ما قلعت النقاب وقالت..
نور
ما فيش حد هيدخل قلبي ولا هيبقي جوزي غيرك يا حسام ولو وافقت علي اخوك فهو عشان ابننا وعشان وصيتك بس عمري ما هخليه يقرب مني..
_ وعدي الشهرين وجه معاد كتب كتاب زين ونور وكانت لابسه جلباب اسلامي اسود والنقاب بتاعها وقاعده جنب باباها وزين قااعد جنب المأذون والشهود..
الماذون
بارك الله لكم وبارك عليكم وجمع بينكم في خير..
نور
او مش خير بقي مش فارقه..
ضربها ابوها في رجلها وقال
بتحب تقلش العروسه يا جماعه معلش تعالو بقي
يا جماعه
