رواية المحاضره الجايه (كاملة)
ابتسم بإعجاب:
- افهم من كده انك موافقه؟!
- اممممم هفكر ؟!
رفعت حاجبي وانا برد بمراوغه:
- هو انا لسه وافقت؟؟
- انتي موافقه من وقت ما قولتلك بس عمرك ما تروحي تقولي
- هههههههه طب مش هتوريني الحاجه اللي جبتني هنا عشانها
- فلتتفضل سمو الاميره
ضحكت برقه ومشيت وهو مشي جنبي وما بين كل ثانيه والتانيه يبصلي بنظرات غريبه وترتني !
وصلنا قدام الباب ورن الجرس وثواني فتحت لينا بنت كانت قصيره وملامحها جميله عيون زرقاء وشعر اصفر وحاجه كده سكر بجد
- اممممم انتي ايمان ؟
رفعت حاجبي وضحكت بذهول:
لوت بوقها بمراوغه:
- ومين ميعرفكيش
بصيت ليونس اللي كان بيحك رأسه بتوتر واحراج
ضحكت وانا بسأله باستغراب:
- هو في ايه ؟
-انتي لسه هتستغربي ادخلي ده انا ما صدقت لقيت حد اقعد معاه
سحبتني من ايدي ودخلنا البيت واول ما دخلت كان في ست وراجل قاعدين استغربوا اول ما شافوني
الست باستغراب:
- مين دي ياجيلان؟!
جيلان بغمزه:
- اللي بالي بالك
قامت من مكانها بفرحه وهي بتقرب مني:
- انتي ايمان ؟
ضحكت وانا بقول بمرح:
- ده الظاهر أن البيت كله عارفني بقي
أخدتني في حضنها وهي بتهمس بمشاكسه:
- عيونك مجننه الواد من زمان
غمضت عيني براحه وانا بضم نفسي ليها وكأني ما صدقت تاخدني في حض-نها
كان حض-نها دافي مريح حسيتها ست طيبه
بعدت عنها بابتسامه متوتره وعيوني بتلمع بالدموع بس هي مسحت دموعي برقه وحنيه:
- تعالي اتفضلي
قربت من ابو يونس وسلمت عليه وانا بهزله راسي بابتسامه والغربيه أنه متضايقش بل بالعكس حسيته فرح جدا اني مش بسلم بالأيد علي رجاله
